Salman Khan’s kitchen is banned from beef:
মুছলমান বুলি শুনিলেই আমাৰ মনলৈ অহা প্রথম কথাটো হ’ল গো-মাংস ভক্ষণ। কিন্তু বহু মুছলিম লোকে নাখায় গো-মাংস। অনুৰাগীসকলে জানি আচৰিত হ’ব যে বলিউডৰ ছুপাৰষ্টাৰ ছলমান খানৰ পৰিয়াল মুছলমান হোৱাৰ পাছতো গো-মাংসৰ পৰা আঁতৰি থাকে।
মুছলমান বুলি শুনিলেই আমাৰ মনলৈ অহা প্রথম কথাটো হ’ল গো-মাংস ভক্ষণ। কিন্তু বহু মুছলিম লোকে নাখায় গো-মাংস। অনুৰাগীসকলে জানি আচৰিত হ’ব যে বলিউডৰ ছুপাৰষ্টাৰ ছলমান খানৰ পৰিয়াল মুছলমান হোৱাৰ পাছতো গো-মাংসৰ পৰা আঁতৰি থাকে। প্রবীণ চিত্রনাট্যকাৰ ছলমানৰ পিতৃ চেলিম খানে খোদ এই কথা প্রকাশ কৰিছে।
ফ্রী প্ৰেছ জার্নেলৰ স’তে হোৱা মন বিনিময়ৰ সময়ত প্রথম বিবাহৰ দিনটোলৈ মনত পেলাই পুৰণি সময়লৈ ঘূৰি যায়। খানে মনত পেলাই কয়, ছালমা খান ‘যিয়ে সুশিলা চৰক হিচাপে জন্ম লয়’ৰ স’তে তেওঁৰ আন্তঃধর্মীয় বিবাহৰ কাহিনী। ইয়াৰ লগতে তেওঁৰ ঘৰত কেতিয়াও গো-মাংস কিয় খোৱা হোৱা নাছিল সেই কথাও প্রকাশ কৰে। ‘ইন্দোৰৰ পৰা আজিলৈকে আমি কেতিয়াও গো-মাংস খোৱা নাই। দাম কম হোৱাৰ বাবে বেছিভাগ মুছলমানে গো-মাংস খায়! আনকি কিছুমানে পোহনীয়া কুকুৰক খুৱাবলৈও এই মাংস কিনি লয়।’ তেওঁৰ উদ্ধৃতি।
‘কিন্তু হজৰত মহম্মদৰ শিক্ষাত তেওঁ স্পষ্টকৈ উল্লেখ কৰিছে যে গৰুৰ গাখীৰ মাতৃৰ গাখীৰৰ বিকল্প আৰু ই মুফিদ ‘উপকাৰী’ পনীৰ। তেওঁ গৰু মাৰিব নালাগে আৰু গো-মাংস নিষিদ্ধ বুলি উল্লেখ কৰিছে।’ তেওঁ কয়।
শ্বোলে, ডন আৰু আন কে’বাখনো বিখ্যাত ছবিৰ লেখক গৰাকীয়ে লগতে কয়, ‘হজৰত মহম্মদে প্রতিটো ধৰ্মৰ পৰা ভাল বস্তু গ্রহণ কৰিছে। যেনে কেৱল হালাল মাংস খোৱা, যিটো ইহুদীসকলৰ পৰা গ্ৰহণ কৰা হৈছিল, যিসকলে ইয়াক কোশ্বাৰ বুলি কয়। তেওঁ ধাৰণা কৰিছে যে প্রতিটো ধর্মই ভাল আৰু আমাৰ দৰে পৰম শক্তিত বিশ্বাস কৰে।’
আমি সকলোৱে জানো যে খান পৰিয়ালে খোৱাৰ চৌখিন, কিন্তু গো-মাংসৰ অনুপস্থিতি নিশ্চিতভাবে এক ডাঙৰ প্ৰকাশ। গণেশ চতুর্থীকে ধৰি ঈদ, দীপাৱলী, বৰদিনলৈকে প্রতিটো উৎসৱ পালন কৰা এটা ধৰ্মনিৰপেক্ষ পৰিয়াল হৈছে এই খান পৰিয়াল। এনে এটা পৰিয়াল য’ত সংস্কৃতি আৰু ধৰ্মৰ মিশ্রণ ঘটা দেখিবলৈ পোৱা যায়।