JanSamarth Portal:✒️প্রধানমন্ত্রী নৰেন্দ্ৰ মোদীয়ে জনসমর্থ প’ৰ্টেল নামৰ ৰাষ্ট্ৰীয় প’ৰ্টেলটো মুকলি কৰাৰ পাছৰে পৰা সকলোৰে বাবে চৰকাৰী ঋণ লাভৰ সহজ সমাধান হৈ পৰিছে ই।
কেন্দ্রীয় বিত্ত মন্ত্রণালয়ৰ উদ্যোগত পৰিচালিত এই প’ৰ্টেলটোৰ জৰিয়তে চৰকাৰী ঋণৰ সকলো সুবিধা সহজতে উপলব্ধ কৰিব পাৰে হিতাধিকাৰীসকলে। এই প’ৰ্টেলৰ ব্যৱহাৰকাৰীসকলে ইয়াৰ জৰিয়তে মুঠ চাৰি প্ৰকাৰৰ ঋণৰ সুবিধা লাভকৰিব পাৰে।
সেইকেইটা হৈছে-শিক্ষা ঋণ, কৃষি আন্তঃগাঁথনি ঋণ,ব্যৱসায়িক ঋণ আৰু ব্যক্তিগত ঋণ। অৱশ্যে প’র্টেলটোৰ জৰিয়তে চৰকাৰী ঋণৰ আবেদনকাৰীসকলে প্রথমে নিজৰ যোগ্যতাৰ পৰীক্ষা দিব লাগে।
কেন্দ্ৰীয় চৰকাৰৰ এজন বিষয়াই জনোৱা মতে, যোগ্য বিবেচিত হ’লে চৰকাৰী প্ৰকল্পৰ হিতাধিকাৰীসকল এই প’ৰ্টেলৰ জৰিয়তে প্ৰচুৰ লাভবান হ’ব পাৰি।
উল্লেখ্য যে জনসমর্থ প’ৰ্টেলত হিতাধিকাৰীক ঋণ প্রদান কৰিবলৈ মুঠ ১২৫টা ঋণদাতা সংস্থাক অন্তর্ভুক্ত কৰা হৈছে। এই সংস্থাসমূহে ঋণগৃহীতসকলক বিভিন্ন প্রশ্ন কৰে, যাৰ শুদ্ধ উত্তৰ দিব পাৰিলেহে ঋণ লাভ কৰাৰ বাবে যোগ্য বিবেচিত হ’ব পাৰে আবেদনকাৰী।