Zubeen Garg Death Incident:জুবিন গাৰ্গৰ ৰহস্যজনক মৃত্যুক লৈ গায়ক দেৱা গীতজৰ ছ’চিয়েল মেডিয়াত বিশেষ পোষ্ট

Zubeen Garg Death Incident:

অসমীয়াৰ হিয়াৰ আমঠু জুবিন গাৰ্গৰ ৰহস্যজনক মৃত্যু ঘটনাৰে নাম সাঙোৰ খোৱা সহ শিল্পী অমৃত প্ৰভা মহন্তই ইতিমধ্যে কে’বা বাৰো চিআইডিৰ জেৰাৰ সন্মুখীন হৈ আহিছে৷

আজিও অমৃত প্ৰভা মহন্তক জেৰা চলাই এছ আইটিয়ে ৷ সঘনাই চিআইডিয়ে তলৱ কৰি জেৰা চলাই থকাৰ মাজতে আজি মহন্ত বিৰুদ্ধে সৰৱ হৈ পৰে গায়ক দেৱা গীতজে ৷ সামাজিক মাধ্যমত বিশেষ পোষ্টযোগে গায়ক গৰাকীয়ে উল্লেখ কৰে যে অমৃতপ্ৰভা মহন্তৰ ফোনত বন্দী হৈছিল ফেচবুকত খণ্ড খণ্ডকৈ ওলাই থকা জুবিন গাৰ্গৰ য়ট যাত্ৰাৰ ভিডিঅ’। সংবাদ মাধ্যমৰ লগতে ৰাইজৰ আগত ইমান আত্মবিশ্বাসেৰে মিছা মাতিব পৰা কেনেকুৱা নাৰী এইগৰাকী ? তাই সিদ্ধার্থ আৰু শ্যামকানুৰ সমানেই দোষী।

কালি ছিংগাপুৰৰ পৰা autopsy report আহিছে য’ত দাদাৰ accidental death হোৱা বুলি উল্লেখ আছে। কিন্তু অসম আৰক্ষী তথা CID’য়ে জুবিন গাৰ্গৰ ক্ষেত্ৰত হোৱা negligence আৰু অত বছৰৰ পৰা তেওঁৰ লগত হৈ থকা অৰ্থনৈতিক আৰু মানসিক শোষণৰ তথ্যৰ ভিত্তিতহে তদন্তৰ কাম আগবঢ়াব। লগতে শ্যামকানু আৰু সিদ্ধাৰ্থৰ বিৰুদ্ধে হত্যাৰ ধাৰা (BNS 103) সংযোজন কৰিছে আৰক্ষীয়ে। এইয়া সাধাৰণ মৃত্যু নহয়। অসমৰ আত্মাক আজুৰি নিয়া হৈছে আমাৰ পৰা। আমি সকলো খবৰ ৰাখি থাকিম। ৰাইজ সজাগ হৈ থাকক। গায়ক দেৱা গীতজৰ এই পোষ্টৰ পিছত চিআইডিৰ পৰৱৰ্তী পদক্ষেপ কি হ’ব সেয়া লক্ষণীয় হ’ব ৷