Baska Situation:ক্ৰমাৎ অগ্নিগৰ্ভা পৰিস্থিতি বাকসাত

কাৰাগাৰৰ গেটৰ সন্মুখত ক্ষুব্ধ জনতাই অৱস্থান কৰি উত্তপ্ত পৰিস্থিতি সৃষ্টি কৰাত পৰিস্থিতি নিয়ন্ত্ৰণৰ বাবে আৰক্ষীয়ে প্ৰথমে লাঠিচাৰ্জ আৰু কন্দুৱাগেছ নিক্ষেপ কৰে ৷ ইয়াৰ পিছতে আৰক্ষীলৈ লক্ষ্য কৰি উত্তেজিত ৰাইজে শিলাবৰ্ষন কৰাত পৰিস্থিতি নিয়ন্ত্ৰণ বাবে শূন্যলৈ গুলীচালনা কৰে ৷ ক্ষুব্ধ জনতাই জ্বলাই দিয়ে আৰক্ষীৰ কে’বা খনো বাহনৰ লগতে এটা চেটেলাইট চেনেলৰ বাহন ৷ আনহাতে জনতাৰ শিলাবৰ্ষনত আহত হয় কে’বাজনো আৰক্ষী সহ সাংবাদিক ৷ একেদৰে আৰক্ষীৰ গুলীচালনাত গুলীবৃদ্ধ হয় তিনিজন লোক ৷

বৰ্তমান পৰিস্থিতি অধিক ভয়াৱহ হৈ থকাত বাকসা জিলা দণ্ডাধীশে বিএনএছএছ ১৬৩ ধাৰা বলবৎ কৰে ৷ এই ধাৰা বলবৎ হোৱাৰ পিছত একেলগে পাঁচজনতকৈ অধিক লোক সমবেত হ’ব নোৱাৰিব ৷ আনহাতে পৰিস্থিতি নিয়ন্ত্ৰণৰ বাবে ইতিমধ্যে চাৰিখন বাছেৰে ৰেপিড এক্সন ফৰ্চৰ জোৱান ৰাওনা হৈছে ঘটনাস্থলীলৈ। একেদৰেই মোতায়েন কৰা হৈছে অৰ্ধ সামৰিক বাহিনী I