Rantu Paniphukan:
বিপদে লগ নেৰা হৈছে ৰন্টু পানীফুকনৰ ৷ ইটোৰ পিছত সিটোকৈ গোচৰত নাম সাঙোৰ খাইছে বীৰ লাচিত সেনাৰ মুখ্য সচিবজনৰ ৷ বুধবাৰে পুনৰ তেজপুৰৰ পৰা গ্ৰেপ্তাৰ কৰে চামগুৰি আৰক্ষীয়ে ৷
চামগুৰি আৰক্ষী থানাত ৰুজু হোৱা গোচৰ ২৪০/২৫ ৰ অনুসৰি গ্ৰেপ্তাৰ কৰি আজিয়ে নগাঁও চিজেএম আদালতত হাজিৰ কৰি নিজৰ জিন্মাত ল’ব চামগুৰি আৰক্ষীয়ে ৷
গুৱাহাটীৰ হেঙেৰাবাৰীৰ বৰবাৰী বহুচৰ্চিত অপহৰণ কাণ্ডত পাঁচজনকৈ বীৰ লাচিত সেনাৰ বিষয়ববীয়াক দিছপুৰ আৰক্ষীৰ জালত পৰাৰ সময়ত জব্দ হৈছিল বীৰ লাচিত সেনাৰ বহিস্কৃত নেতা আকাশ অসমৰ স্বাক্ষৰিত পাঁচখন ধন দাবী পত্ৰ ৷ আনহাতে বীৰ লাচিত সেনাৰ পাঁচজন বিষয়ববীয়া আৰক্ষীৰ জালত পৰাৰ পিছত সংগঠনৰ হৈ স্পষ্টীকৰণ দিবলৈ গুৱাহাটীৰ এখন হোটেলত সংবাদমেল সম্বোধন কৰাৰ সময়তে দিছপুৰ আৰক্ষীয়ে গ্ৰেপ্তাৰ কৰিছিল বীৰ লাচিত সেনাৰ মুখ্য সচিব ৰন্টু পানী ফুকনক।
শেহতীয়াকৈ আজি নগাঁৱৰ চামগুৰি আৰক্ষীয়ে চামগুৰি আৰক্ষী থানাত ৰুজু হোৱা গোচৰমৰ্মে ২৪০/২৫ ৰ অনুসৰি তেজপুৰত গ্ৰেপ্তাৰ কৰে ৰন্টু পানী ফুকনক। ইতিমধ্যে পানীফুকনক নগাঁৱলৈ অনা হয়।