WHO:✒️বিগত কিছু বছৰত প্ৰায় সকলোৱে লক্ষ্য কৰিছে যে কম বয়সীয়া লোকৰ মাজত মগজুৰ ষ্ট’কত আক্ৰান্তৰ সংখ্যা বৃদ্ধি পাইছে। এনে কাৰণত বহুজনে অকালতে মৃত্যুকো আঁকোৱালি লৈছে। বহুতে কয় যে হঠাতে কথা পাতি বা কৈ থকা অৱস্থাতে একোজন লোকৰ হঠাতে শৰীৰ অৱশ হৈ পৰে।
আকস্মিকভাবে সৃষ্ট এই সমস্যা কথাৰে বুজাবলৈ অপাৰগ হৈ হাতেৰে অংগী-ভংগী কৰি বুজাবলৈ বিচাৰে।কিন্তু এনে এজন ব্যক্তিয়ে হাতো তুলিব নোৱাৰা হয়। ক্ৰমে শৰীৰৰ এফাল অসাৰ হৈ পৰে। এনেদৰে কম বয়সীয়া মানুহৰ মাজত ষ্ট’কত আক্ৰান্তৰ সংখ্যা বৃদ্ধি পাইছে। ইয়াৰ কাৰণ সম্প্ৰতি বিশ্ব স্বাস্থ্য সংস্থা (হু)ই ব্যাখ্যা কৰিছে।
হুৰ মতে মগজুৰ ষ্ট’কৰ পাঁচটা কাৰণ হ’লঃ
উচ্চ ৰক্তচাপ: ষ্ট্ৰ’কৰ অন্যতম প্রধান কাৰণ হ’ল উচ্চ ৰক্তচাপ। দেখা গৈছে যে বহু লোকে কম বয়সৰ পৰা নিয়মীয়াকৈ ফাষ্ট ফুড খোৱাৰ অভ্যাস গঢ়ি তোলে। ফাষ্ট ফুডত নিমখৰ পৰিমাণ অধিক থাকে। ফলত নিয়মীয়াকৈ ফাষ্ট ফুড গ্ৰহণৰ অভ্যাস গঢ়ি তুলিলে উচ্চ ৰক্তচাপৰ সৃষ্টি হ’ব পাৰে। ৰক্তচাপ বৃদ্ধি পালে দেহৰ ৰক্তবাহী নলীকাসমূহত ৰক্ত প্ৰৱাহত বাধাৰ সৃষ্টি হয়। ফলত টু’কৰ আশংকা বৃদ্ধি পায়।
মেদ বহুলতা আৰু অস্বাস্থ্যকৰ খাদ্যাভ্যাস: নিয়মীয়া শাৰীৰিক পৰিশ্ৰম নকৰাকৈ অতিৰিক্ত মিঠাজাতীয় খাদ্য খালে শৰীৰ মেদবহুল হোৱাৰ আশংকা থাকে। সমস্যাটো অধিক বৃদ্ধি পায় জাংক ফুড খোৱাৰো অভ্যাস গঢ়ি তুলিলে। উচ্চ ৰক্তচাপ, উচ্চ কলেষ্টৰেল আৰু মধুমেহৰ ফলত ষ্ট’ক হ’ব পাৰে।
সুৰাপানৰ প্ৰতি আসক্তি: নিতৌ আকণ্ঠ সুৰাপান কৰিলে কেৱল যে ফেটি লিভাৰ ৰোগ হ’ব পাৰে সেয়া শুদ্ধ নহয়। নিতৌ প্ৰচুৰ সুৰাপানৰ ফলত মগজুৰ ষ্ট’কৰ আশংকাও বহুগুণে বৃদ্ধি পায়।
হৃদৰোগ: জন্মগতভাৱে হৃদযন্ত্ৰৰ সমস্যা থাকিলে, হৃদপিণ্ডত ছিদ্র থাকিলে বা অনিয়মিত হৃদস্পন্দনৰ সমস্যা থাকিলেও ষ্ট’কৰ আশংকা বৃদ্ধি পায়। সেয়েহে বয়স ৩০ পাৰ হ’লেই ইলেক্ট্র’ কার্ডিঅ’গ্ৰাফ আৰু ইলেক্ট্র’ কার্ডিঅ’গ্ৰামৰ দৰে পৰীক্ষা কৰোৱা উচিত।
তেজ গোট মৰাৰ বিসংগতি:থ্রম্বোফিলিয়া নামৰ এবিধ ৰোগ আছে যি ৰোগত আক্রান্ত হ’লে এজন ব্যক্তিৰ ৰক্ত পৰিবাহী নলীত তেজ জমা হোৱাৰ প্ৰৱণতা থাকে। এনে লোকৰ ষ্ট্ৰ’কৰ আশংকা বৃদ্ধি পায়। তদুপৰি কাশীকোষ ৰক্তহীনতা বা ছিকল চেল এনিমিয়াত আক্রান্ত ব্যক্তিৰো মগজুৰ ষ্ট্ৰ’কৰ আশংকা বৃদ্ধি পায়। উল্লেখ্য যে ছিকল চেল এনিমিয়া হৈছে জিন বা বংশগতিজনিত ৰোগ।
এই ৰোগ এজনৰ পৰা আনজনলৈ বংশানুক্রমিকভাবে প্ৰৱাহিত হয়। এই ৰোগত আক্রান্ত ব্যক্তিৰ লোহিত ৰক্তকণিকাসমূহৰ কোষে অর্ধচন্দ্ৰৰ ৰূপ ধাৰণ কৰে। কোষৰ এই বিকৃত আকাৰৰ বাবে দেহৰ সকলো অংশলৈ অক্সিজেন সঠিকভাৱে পৰিবাহিত নহয়। ফলত আক্রান্তসকল ক্লান্তি, শ্বাসকষ্ট, সংক্রমণজনিত সমস্যা, আলস্য আদিত আক্রান্ত হয়।