Bank Licence Cancelled:
দৈনিক অগ্ৰদূত ডিজিটেল ডেক্স:-ভাৰতীয় ৰিজাৰ্ভ বেংকে এক বৃহৎ পদক্ষেপ গ্ৰহণ কৰিছে। শুকুৰবাৰে পেটিএম পেমেণ্টছ বেংক লিমিটেডৰ বেংকিং লাইচেন্স বাতিল কৰে। এই পদক্ষেপৰ ফলত বেংকটোৱে ২৪ এপ্ৰিলৰ পৰা বেংক হিচাপে কাম-কাজ বন্ধ কৰিব।নিজৰ আদেশত আৰ বি আইয়ে কয় যে, “ভাৰতীয় ৰিজাৰ্ভ বেংকে বেংকিং ৰেগুলেচন এক্ট, ১৯৪৯ (বি আৰ এক্ট)ৰ ধাৰা ২২(৪)ৰ অধীনত পেটিএম পেমেণ্টছ বেংকক প্ৰদান কৰা বেংকিং অনুজ্ঞাপত্ৰ বাতিল কৰিছে। এই নিৰ্দেশনা কাৰ্যকৰী হ’ব ২৪ এপ্ৰিলৰ পৰাই ।
উল্লেখ্য যে গ্ৰাহকৰ স্বাৰ্থৰ বিৰুদ্ধে গৈ বেংকৰ কাম-কাজ চলোৱাকে ধৰি অনুজ্ঞাপত্ৰ বাতিলৰ একাধিক কাৰণ উল্লেখ কৰি RBI য়ে কয় যে, পেটিএম পেমেণ্টছ বেংক লিমিটেডে বেংকিং ৰেগুলেচন এক্ট, ১৯৪৯ৰ ধাৰা ৫(খ)ত সংজ্ঞায়িত কৰা অনুসৰি ‘বেংকিং’ৰ ব্যৱসায় বা ধাৰা ৬ৰ অধীনত নিৰ্দিষ্ট কৰা যিকোনো অতিৰিক্ত ব্যৱসায় চলোৱাত নিষেধাজ্ঞা আৰোপ কৰা হৈছে ৷ যিটো তাৎক্ষণিকভাৱে কাৰ্যকৰী হ’ব।
আৰ বি আইয়ে নিজৰ আদেশত উল্লেখ কৰিছে যে বেংকৰ কাম-কাজ এনেদৰে চলি আছে যাৰ লগতে নিজৰ স্বাৰ্থৰ লগতে জমাকাৰীৰ স্বাৰ্থও ক্ষতিকাৰক। ইয়াৰ ফলত বি আৰ আইনৰ ২২(৩)(খ) ধাৰা অমান্য কৰা হয়।
আনহাতে আৰবি আৰ আইনৰ ধাৰা ২২(৩)(ঙ)ৰ অধীনত বেংকটোক কাম কৰি যাবলৈ অনুমতি দিলে কোনো উপযোগী উদ্দেশ্য বা জনস্বাৰ্থ পূৰণ নহ’ব বুলি ধৰা পৰিছিল। পেমেণ্ট বেংকৰ অনুজ্ঞাপত্ৰৰ অধীনত নিৰ্ধাৰিত চৰ্তসমূহ মানি নল’লে বেংকটোৱে। ইয়াৰ ফলত বি আৰ আইনৰ ২২(৩)(ছ) ধাৰা উলংঘা কৰা হৈছিল।
উল্লেখ্য যে আৰবিআইৰ এই পদক্ষেপৰ পিছতে বেংকটোৰ ওপৰত পূৰ্বে জাৰি কৰা নিষেধাজ্ঞানুসৰি ২০২২ চনৰ ১১ মাৰ্চৰ পৰা নতুন গ্ৰাহক যোগ কৰাত নিষেধাজ্ঞা আৰোপ কৰা হৈছিল। তাৰ পিছত ২০২৪ চনৰ ৩১ জানুৱাৰী আৰু ২০২৪ চনৰ ১৬ ফেব্ৰুৱাৰীত আৰ বি আইয়ে গ্ৰাহকৰ একাউণ্ট, প্ৰিপেইড ইনষ্ট্ৰুমেণ্ট, আৰু ৱালেটত কোনো ধৰণৰ নতুন জমা, ক্ৰেডিট, বা টপ-আপ নিষিদ্ধ কৰা হৈছিল ।