নিৰ্ব্বাচনৰ বতৰত শাড়ীৰ বজাৰত জনপ্ৰিয় নমো-যোগী প্ৰিণ্টৰ শাড়ী

নিৰ্ব্বাচনৰ দিন ঘোষণা কৰাৰ পাছৰে পৰা গুজৰাটত শাড়ীৰ বজাৰত ৰাজনৈতিক নেতাৰ ছবি প্ৰিণ্ট কৰা শাড়ীৰ বিশেষ জনপ্ৰিয়তা প্ৰত্যক্ষ হৈছে । কিছুদিন পূৰ্বে ছুৰটৰ শাড়ীৰ বজাৰত ছাৰ্জিকেল ষ্টাইক, পুলৱামা কাণ্ড আৰু ভাৰতীয় বায়ুসেনাৰ উইং কমাণ্ডাৰ অভিনন্দন ৱৰ্তমানৰ ছবি প্ৰিণ্ট কৰা শাড়ী জনপ্ৰিয় হৈছিল । এইবাৰ গুজৰাটৰ এই শাড়ীৰ বজাৰত বিজেপি আৰু কংগ্ৰেছ দলৰে শীৰ্ষ নেতা ফটো সম্বলিত শাড়ীৰ চাহিদা বৃদ্ধি পোৱা দেখা গৈছে । ছুৰটৰ ব্যৱসায়ীয়ে প্ৰকাশ কৰাৰ মতে, ‘নমো'(নৰেন্দ্ৰ মোদী) প্ৰিণ্টেড শাড়ী সবাতোকৈ অধিক বিক্ৰী হৈছে । দেশৰ বিভিন্ন অঞ্চলৰ পৰা ৰাজনৈতিক নেতাই নিজ দলৰ মুৰব্বীৰ ফটো সম্বলিত শাড়ী বিছাৰি এতিয়া ছুৰটত ভিৰ কৰিছে । ‘নমো’ প্ৰিণ্টৰ লগতে ৰাজ্যখনৰ শাড়ী বজাৰত এতিয়া যোগী(যোগী আদিত্যনাথ) প্ৰিণ্টৰ শাড়ী অধিক প্ৰচলিত হৈছে ।শেহতীয়াভাৱে ছুৰটৰ ব্যৱসায়ীয়ে ৰাহুল গান্ধী, প্ৰিয়ংকা গান্ধী ভদ্ৰাৰ ফটো সম্বলিত শাড়ীও তৈয়াৰ কৰিছে।