নগাঁও : এগৰাকী মহিলাই কালি বেংকৰ এ টি এমৰ পৰা ধন উলিয়াবলৈ যাঁওতে তেওঁক টকা উলিওৱাত সহায় কৰি দিয়াৰ চলেৰে এজন দুৰ্বৃত্তই মহিলা গৰাকীৰ ধন কৌশলেৰে উলিয়াই নিয়াৰ ঘটণাৰ চাঞ্চল্যৰ মাৰ নৌযাওঁতেই এইবাৰ এ টি এম হেকাৰৰ কবলত পৰিল এগৰাকী অৱসৰপ্ৰাপ্ত প্ৰধান শিক্ষক। জানিব পৰা মতে, নগাঁও চহৰৰ হয়বৰগাঁও ষ্টেট বেংকৰ এগৰাকী গ্ৰাহক তথা অৱসৰপ্ৰাপ্ত শিক্ষক আব্দুল জলিলৰ পৰা হেকাৰে লুটি নিলে ৭,৭৪,৯৮৯ টকা। অৱসৰপ্ৰাপ্ত এই শিক্ষক গৰাকীৰ একাউণ্টৰ পৰা হেকাৰে চাৰি দিনত লুট কৰি নিলে উল্লেখিত পৰিমাণৰ ধন ৰাশি। নগাঁৱৰ জুৰীয়াৰ মাহিৰীপাৰৰ বাসিন্দা তথা উত্তৰ খাটোৱাল প্ৰাথমিক বিদ্যালয়ৰ বিদ্যালয়ৰ অৱসৰপ্ৰাপ্ত শিক্ষক আব্দুল জলিলৰ হয়বৰগাঁও ষ্টেট বেংকত থকা ১০৭০৭৪০৩১৩০ নম্বৰৰ একাউণ্টটোৰ পৰা হেকাৰে লুট কৰিছিল এই বৃহৎ পৰিমাণৰ ধনৰাশি। অৱসৰপ্ৰাপ্ত প্ৰধান শিক্ষক গৰাকীয়ে ব্যৱহাৰ কৰা ফোন নম্বৰটো নিষ্ক্ৰিয় কৰি সেই একে নম্বৰৰ অন্য এখন চিম ব্যৱহাৰ কৰি হেকাৰে লুট কৰি নিয়ে ধনৰাশি। অৱসৰপ্ৰাপ্ত প্ৰধান শিক্ষক গৰাকীয়ে আজি সংশ্লিষ্ট বেংক শাখাটোৰ পৰা ধন উলিয়াবলৈ যাওতে এই তথ্য পোহৰলৈ অহাত লোকজনে মোৰে কপালে হাত দিবলগা হয়। ইতিমধ্যে ঘটনা সন্দৰ্ভত ভুক্তভোগী লোকজনে হয়বৰগাঁও আৰক্ষী চকী আৰু বেংক কৰ্তৃপক্ষক পৃথকে পৃথকে লিখিত অভিযোগ দাখিল কৰিছে। এইদৰে নিজৰ সাচতীয়া ধন হৰলুকি হোৱাত মৰ্মাহত হৈ পৰা শিক্ষক গৰাকীয়ে সংবাদ মাধ্যমৰ অভিযোগ কৰি কয়,” মোৰ একাউণ্টৰ পৰা ধন হেকাৰে লুট কৰি নিয়া ঘটনাত বেংকৰ একাংশ বিষয়া-কৰ্মচাৰী জৰিত থাকিব পাৰে।” উল্লেখ্য যে, ইয়াৰ পুৰ্বেতেও নগাঁৱত বহু কেইটা এনে ধৰণৰ ঘটনা সংঘটিত হৈছে।
নগাঁৱত এইবাৰ গ্ৰাহকৰ একাউণ্ট নম্বৰৰ পৰা হেকাৰে লুটিলে ৭ লক্ষাধিক টকা
-
By publisher
![Assam News Today | নগাঁৱত এইবাৰ গ্ৰাহকৰ একাউণ্ট নম্বৰৰ পৰা হেকাৰে লুটিলে ৭ লক্ষাধিক টকা - Dainik Agradoot | download 1 1](https://i0.wp.com/dainikagradoot.in/wp-content/uploads/2019/05/download-1-1.jpg?fit=275%2C183&ssl=1)
Related Content
Buckingham Palace Balcony Opens to the Public:সাধাৰণ লোকৰ বাবে মুকলি হ'ল বাকিংহাম পেলেচৰ বেলকনি
By
publisher
July 13, 2024
3 Lakh Palestinians Leave Gaza:অলি-গলিয়ে মৃতদেহৰ স্তূপ !
By
publisher
July 13, 2024
GST:সাত বছৰত দেশত জিএছটি সংগ্রহত অভিলেখ
By
publisher
July 13, 2024
Assam Society of Bangalore organizes Green Move:অসম চ'ছাইটি অৱ বেঙ্গালুৰুয়ে গ্ৰহণ কৰিছে গ্ৰীণ মুভৰ পদক্ষেপ
By
publisher
July 13, 2024