নগাঁও:ডিমাহাচাও জিলাৰ উমৰাংছ’স্থিত নীপকোৰ জলবিদ্যুৎ প্ৰকল্পত জল পৰিবাহী পাইপ বিষ্ফোৰণৰ ফলত সৃষ্টি হোৱা বিভীষিকাৰ কিছু পৰিমাণে শাম কাটিলেও আজি সাত দিনে কোনো সন্ধান নাই জলপ্ৰলয়ত সন্ধানহীন হৈ পৰা এজন কণিষ্ঠ অভিযন্তা,দুজন কাৰিকৰী কৰ্মচাৰী আৰু এজন অস্থায়ী কৰ্মচাৰীৰ। প্ৰকল্পটোৰ পৰা পানীৰ গতি সলনি কৰি ইয়াৰ জলস্তৰ কিছু পৰিমাণে হ্ৰাস কৰাৰ পাছত আজি পুৱাৰে পৰা এন ডি আৰ এফ আৰু এছ ডি আৰ এফ বাহিনীয়ে নিৰুদ্দিষ্ট বিষয়া-কৰ্মচাৰী কেইজনৰ সন্ধানত উদ্ধাৰ অভিযান আৰম্ভ কৰিছে যদিও সফল হ’ব নোৱাৰিলে।উদ্ধাকাৰী দলটোৱে জল পৰিবাহী পাইপডাল বিষ্ফোৰণৰ এলেকাটো নিৰ্বাচিত কৰি তাতে উদ্ধাৰ অভিযান আৰম্ভ কৰে যদিও পানীৰ গভীৰতা আৰু প্ৰচণ্ড সোঁতৰ বাবে আজি সফল হ’ব নোৱাৰিলে।কিয়নো সন্ধিয়া পৰ্যন্ত কোনো সন্ধান পোৱা নগ’ল নিৰুদ্দিষ্ট সকলৰ।ফলত এই নিৰুদ্দিষ্ট বিষয়া-কৰ্মচাৰী সকলৰ আত্মীয়ৰ মাজত চৰম হতাশা আৰু দুৰ্ভাৱনাই দেখা দিছে।তেওঁলোকৰ হিয়াভগা বিননী যেন কপিলীৰ পাৰত অৰণ্যৰোদনতহে পৰিণত হৈছে।ইপিনে, আজি ৰাজ্যৰ পাৰ্বত্য এলেকা উন্নয়ন আৰু শক্তি দপ্তৰৰ মন্ত্ৰী চুম’ৰংহাং, স্থানীয় বিধায়ক বি বি হাগজেৰ, বোকাজানৰ বিধায়ক ডাঃ নোমল মোমিন,ডিমাহাচাও জিলা স্বায়ত্ব পৰিষদৰ মুখ্য কাৰ্যবাহী দেবলাল গাৰ্লুচা সহ ছয় জনীয়া দল এটা প্ৰকল্প ক্ষেত্ৰলৈ যায় আৰু সমগ্ৰ পৰিস্থিতিৰ বুজ লয়।তেওঁলোকে স্থানীয় দল-সংগঠন, ছাত্র সংগঠন, বিশিষ্ট নাগৰিক সকলৰ সৈতেও আলোচনাত মিলিত হৈ নীপকোৰ কপিলী জলবিদ্যুৎ প্ৰকল্পৰ সন্দৰ্ভত বিভিন্ন স্তৰত ওলোৱা বিষয়সমূহৰ বিষয়ে আলোচনাত মিলিত হয়।তেঁওলোকে নীপকোৰ কপিলী প্ৰকল্পৰ নিৰুদ্দিষ্ট বিষয়া-কৰ্মচাৰী সকলৰ ঘৰলৈকো যায় আৰু তেওঁলোকৰ পৰিয়ালৰ সৈতে মত বিনিময় কৰে।পিছত তেওঁলোকে জিলা খনৰ উচ্চ পদস্থ বিষয়া সকলৰ লগতো আন এক আলোচনাত মিলিত হয়।এই বৈঠকত নীপকোৰ উচ্চ পদস্থ বিষয়া সকলেও অংশগ্ৰহণ কৰে।ইপিনে, নীপকোৰ স্বতন্ত্ৰ সঞ্চালক অজয় গুপ্তাই আজি সাংবাদিকৰ আগত কয়যে, বিধ্বস্ত প্ৰকল্পটো উন্নত প্ৰযুক্তিৰে মেৰামতি কৰি পুনৰ কাৰ্যক্ষম কৰি তোলা হ’ব।তেওঁ প্ৰকল্পটোৰ এই দুৰ্যোগৰ বাবে মেঘালয়ত হৈ থকা অবৈধ কয়লা খননৰ বাবে কপিলীৰ পানীত ছালফিউৰিক এচিডৰ মাত্ৰ বহু পৰিমাণে বৃদ্ধি হোৱাটোকেই পুনৰবাৰ দোহাৰিছে।
উমৰাংছ’ৰ কপিলী জলবিদ্যুৎ প্ৰকল্পত উদ্ধাৰ অভিযান আৰম্ভ
-
By publisher

State Government team lead by HAD Minister Sum Ronghang visit Kopili Hydro Electric Project after Assam government ordered a probe into the disaster at 275 MW Kopili Hydroelectric Project at Umrangso in the states Dima Hasao district on 13-10-19.Pix by UB Photos
- Categories: News
Related Content

Minister Atul Bora:গোলাঘাট জিলাৰ অৰুণোদয়-৩.০ৰ সফল ৰূপায়ণৰ সন্দৰ্ভত দুই মন্ত্ৰীৰ বৈঠক
By
publisher
February 22, 2025

State Bjp SpL Meeting:ঝুমইৰ বিনন্দিনী' অনুষ্ঠান আৰু এডভাণ্টেজ আছাম ২.o প্ৰস্তুতি সন্দৰ্ভত ৰাজ্যক বিজেপিৰ বিশেষ প্ৰস্তুতি সভা
By
publisher
February 22, 2025


App Assam Pressmeet:প্ৰধানমন্ত্ৰীৰ অসম ভ্ৰমণক লৈ 'আপ'ৰ প্ৰতিক্ৰিয়া
By
publisher
February 22, 2025

Farah Khan:হোলি চাপ্ৰীৰ উৎসৱ’, ফাৰহাৰ মন্তব্যত ধর্মীয় আৱেগত আঘাতৰ অভিযোগ, দাখিল এফআইআৰ
By
publisher
February 22, 2025

New Mega City: এটা অট্টালিকাত নিৰ্মাণ কৰা হৈছে এখন পূৰ্ণাংগ চহৰ !
By
publisher
February 22, 2025