অসমবাসীৰ আশা আৰু বিশ্বাসৰ প্ৰতীক ঘৰে ঘৰে প্ৰজ্বলিত এই মংগল প্ৰদীপ : মুখ্যমন্ত্ৰী

আজি পহিলা ব’হাগ | অসমীয়াৰ বাপতিসাহোন এই ব’হাগ বিহুত ৰাজ্যত নাই উচ্ছাসৰ ধল | কাৰণ সৰ্বত্ৰে কৰ’না আতংক | ৰাজ্যবাসীক সুৰক্ষিত কৰাৰ লক্ষ্যৰে অহৰ্নিশে সেৱা অব্যাহত ৰখা যোদ্ধসকলৰ মনোবল বৃদ্ধি আৰু সুৰক্ষিত ৰখাৰ লক্ষ্যৰে ৰাজ্যৰ প্ৰতিঘৰ লোকে পহিলা ব’হাগৰ দিনটোত সন্ধিয়া চাকি জ্বলাই প্ৰাৰ্থনা কৰে | ৰাজ্যৰ মুখ্যমন্ত্ৰী সৰ্বানন্দ সোণোৱালেও এগছি বন্তি প্ৰজ্বলন কৰি কয় যে অসমবাসীৰ আশা আৰু বিশ্বাসৰ প্ৰতীক- ঘৰে ঘৰে প্ৰজ্বলিত এই মংগল প্ৰদীপ | তেওঁ কয়, “ৰঙালী বিহুৰ এই পৱিত্ৰ সন্ধিয়াত আমাৰ সুৰক্ষাৰ বাবেই দিনে-নিশাই নিয়োজিত প্ৰতিগৰাকী “কৰ’না যোদ্ধা”ৰ মংগল কামনাৰে এগছি বন্তি প্ৰজ্বলন কৰিলোঁ। এই বন্তিৰ শিখাই সকলো নিৰাশা আঁতৰাই অসমবাসীৰ লগতে দেশবাসীলৈ কঢ়িয়াই আনিব আশাৰ নতুন পোহৰ।”