ATM :
আপুনি কেতিয়াবা আপোনাৰ বন্ধুৰ কাৰ্ড এটিএম মেচিনত আৱদ্ধ হৈ পৰাৰ অভিজ্ঞতা বা শুনিছেনে? এইটো বহুতৰে বাবে কঠিন পৰিস্থিতি হ’ব পাৰে। এনে পৰিস্থিতিত আতংকিত হোৱাৰ পৰিৱৰ্তে সঠিক সময়ত সঠিক পদক্ষেপ লোৱাটো অতি প্রয়োজনীয়। অন্যথা আপোনাৰ একাউণ্টৰ পৰা সকলো টকা হেৰাই যাব পাৰে। সেই মুহূর্তত আপুনি কৰিব পাৰে সেই বিষয়ে আজিৰ প্ৰতিবেদনত আলোকপাত কৰা হৈছে।
‘হটলিষ্ট’ বা এটিএম কার্ড ‘ব্লক’
যদি আপুনি এটিএমত টকা উলিয়াবলৈ যায় আৰু মেচিনত সুমুৱাই দিওঁতে আপোনাৰ কাৰ্ড আৱদ্ধ হৈ পৰে। তাৰ পাছত ২৪ ঘণ্টাই খোলা থকা বেংকৰ গ্ৰাহক সেৱা কেন্দ্ৰত ফোন কৰি আপোনাৰ কার্ডখন ‘হটলিষ্ট’ বা ‘ব্লক’ কৰক। কার্ড ‘হটলিষ্টিঙ’ৰ অৰ্থ হ’ল সকলো অকর্তৃত্বশীল লেনদেনৰ পৰা হাত সাৰিবলৈ আপোনাৰ ক্রেডিট বা ডেভিট কার্ড স্থায়ীভাৱে ব্লক কৰা। ইয়াৰ ফলত আপোনাৰ কাৰ্ড সুৰক্ষিত হৈ থাকে।
বেংকৰ নিৰ্দেশনা
আপোনাৰ বেংকৰ গাইডলাইন জানিব লাগে। এছবিআই, এইছডিএফচি, আইচিআইচিআই আৰু এক্সিছৰ দৰে সকলো ডাঙৰ ৰাষ্ট্ৰীয় বেংকে তেওঁলোকৰ গ্ৰাহকক প্রয়োজনীয় পৰামৰ্শ আগবঢ়ায়। যাৰ ভিতৰত আছে এটিএমৰ পৰ্দাত প্রদর্শিত বার্তাটো ভালদৰে পঢ়া।
টোল ফ্রী নম্বৰত ফোন কৰক
তৎক্ষণাত আপোনাৰ বেংক একাউণ্টৰ টোল ফ্রী নম্বৰত ফোন কৰক আৰু তেওঁলোকক তৎক্ষণাত কাৰ্ডখন ব্লক কৰিবলৈ নিৰ্দেশ দিয়ক। কাৰণ এটিএমত আৱদ্ধ হৈ আছে। আপুনি সঠিক এটিএম নম্বৰ, স্থান আৰু সঠিক সময়ৰ বিষয়ে তথ্য প্রদান কৰাটো নিশ্চিত কৰক।
কি কৰাৰ পৰা আঁতৰি থাকিব লাগে ?
আপুনি কি কৰিব নালাগে সেইটো মন কৰাটো অধিক গুৰুত্বপূৰ্ণ। আৱদ্ধ হৈ থকা এটিএম কাৰ্ডৰ বাবে আতংকিত নহ’ব। ইয়াৰ ফলত আপোনাৰ সময় নষ্ট হোৱাই নহয়, আপোনাৰ ধনো বিপদত পৰিব। লগতে পৰিস্থিতিৰ বিষয়ে সঠিকভাৱে বুজি নাপালে আপোনাৰ বিপদ বৃদ্ধি পাব। দুয়োটা বিষয় মনত ৰাখক আৰু আপোনাৰ বেংক একাউন্ট সুৰক্ষিত ৰখাৰ বাবে সঠিক, বুদ্ধিমান পদক্ষেপ লওক। যদি কাৰ্ডখন আৱদ্ধ হৈ পৰে, তেন্তে ঘৰলৈ গৈ পিছদিনা সমস্যাটো সমাধানৰ আশা কৰাৰ পৰিৱৰ্তে আশাব্যঞ্জক সমাধান নোপোৱালৈকে সেই ঠাইতে থাকক। ইয়াৰ দ্বাৰা আপোনাৰ উপকাৰ হ’ব ।