হাবিত বনৰীয়া আলু বিচাৰি গৈ হাতীৰ আক্ৰমণত মৃত্যু নগাঁৱৰ যুৱকৰ

হাবিত বনৰীয়া আলু বিচাৰি গৈ হাতীৰ আক্ৰমণত নগাঁৱৰ এজন যুৱক মৃত্যু হোৱা ঘটনাই অঞ্চলজুৰি শোকৰ ছাঁ পেলাইছে | ঘটনাক্ৰমে শালনা বৰঘাটৰ লুচাই লাইনৰ কৃষ্ণ তাঁতীৰ পুত্ৰ কিশোৰ তাঁতী নামৰ যুৱকজনে লগৰ কে’বাজন স’তে বৃহস্পতিবাৰে নগাঁও জিলাৰ শালনা আঞ্চলিক বন বিষয়াৰ কাৰ্যালয়ৰ অৰ্ন্তগত উত্তৰ ডিজু সংৰক্ষিত বনাঞ্চলত বনৰীয়া আলু বিচাৰি গৈছিল । আলু বিচাৰি থাকোতে হাতীৰ মুখামুখি হোৱাত হাতীৰ আক্ৰমণত  যুৱকজন ঠিতাতে  নিহত হয় আৰু লগৰ কে’জনে পলাই পত্ৰং দিয়ে । পাছত বন বিভাগ  আৰু শালনা আৰক্ষী ঘটনাস্থলীত উপস্থিত হৈ  মৃতদেহতো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে |