এটা যুগৰ অৱসানঃ শতাধিক ছবিত অভিনয় কৰি হঠাতে গ’লগৈ চকলেট হিৰো ঋষি কাপুৰ 

আহক জানো বলীউডৰ চিৰসেউজ অভিনেতাজনৰ কেইটামান উল্লেখযোগ্য দিশঃ

• ১.১৯৫২ চনৰ ৪ ছেপ্তেম্বৰত মুম্বাইত জন্ম গ্ৰহণ কৰিছিল ঋষি কাপুৰে। 
• মুম্বাইৰ চেম্পিয়ন স্কুল আৰু আজমীৰৰ মায়’ কলেজৰ পৰা শিক্ষা গ্ৰহণ কৰে ঋষি কাপুৰে ৷
• মাত্ৰ তিনি বছৰ বয়সতে ঋষি কাপুৰে “প্যাৰ হুৱা,ইকৰাৰ হুৱা”ছবিৰ জৰিয়তে যাত্ৰা কৰে বলীউডলৈ ৷
• ১৯৭০ ত মুক্তি পোৱা পিতৃ ৰাজ কাপুৰৰ “মেৰা নাম জ্জোকৰ” ছবিৰ কাৰণে শ্ৰেষ্ঠ ৰাষ্ট্ৰীয় শিশু অভিনেতাৰ পুৰস্কাৰ লাভ কৰে ঋষি কাপুৰে ৷
• ইয়াৰ পিছত ঋষি কাপুৰে ১৯৭৩ ত অভিনেতা ডিম্পল কাপাড়িয়াৰ স’তে “ববী” ছবিখনৰ জৰিয়তে নায়কৰ চৰিত্ৰৰে অভিনয় জীৱনৰ পাতনি মেলে ৷ববী ছবিৰ জৰিয়তে ফিল্মফেয়াৰ এৱাৰ্ড লাভ কৰিছিল ঋষি কাপুৰে। 
• ঋষি কাপুৰে ১৯৭৩-২০০০ চনৰ ভিতৰত প্ৰায় ৯২ খন ছবিত অভিনয় কৰে ।
• ঋষি কাপুৰৰ জনপ্ৰিয় ছবিসমূহৰ ভিতৰত “খেল খেল ম্যে”,কভি কভি”,”অমৰ আকবৰ এণ্ঠনী”,কৰ্জ”,চান্দনী, ৰাজা,লেইলা-মজনু,শ্বৰগম,প্ৰেম ৰোগ,কুলী,সাগৰ,ব’ল ৰাধা ব’ল, আদি ৷ইয়াৰ ভিতৰত ২০০৯ চনত মুক্তি প্ৰাপ্ত ছবি “লাভ আজ ক’ল” “অগ্নিপথ”,আৰু মুল্ক ছবিতো অভিনয় কৰে ঋষি কাপুৰে। 
• ১৯৯৯ চনত আ’ অৱ লৌট চল্লে ছবিৰ জৰিয়তে ঋষি কাপুৰে পৰিচালক হিচাপে আত্মপ্ৰকাশ কৰে ।
• দো দুনী ছাৰ” ছবিৰ কাৰণে ফিল্ম ফেয়াৰৰ শ্ৰেষ্ঠ অভিনেতাৰ বটাঁ লাভ কৰে ঋষি কাপুৰে ।লগতে ২০১৬ ত মুক্তি পোৱা “কাপুৰ এণ্ড চন্চ” ছবিৰ কাৰণে ফিল্ম ফেয়াৰৰ শ্ৰেষ্ঠ সহকাৰী অভিনেতাৰ পুৰস্কাৰ লাভ কৰে ।
• অভিনয়ৰ যোগেৰে বলীউডলৈ আগবাঢ়োৱা অৱদানৰ কাৰণে ২০০৮ ত তেওঁক প্ৰদান কৰা হয় জীৱন জোৰা সাধনা বটাঁ। 
• ঋষি কাপুৰৰ পৰিয়ালৰ ভিতৰত অভিনেতা আৰু পৰিচালক ৰাজ কাপুৰ আৰু কৃষ্ণা ৰাজ কাপুৰৰ দ্বিতীয় সন্তান ঋষি কাপুৰ । অৰ্থাৎ প্ৰসিদ্ধ কাপুৰ পৰিয়ালৰ সন্তান ঋষি কাপুৰ ৷ অভিনয় যেন তেওঁৰ তেজতেই আছে ৷
• ঋষি কাপুৰে ১৯৮০ ত নীতু সিঙৰ লগত বিবাহ পাশত আৱদ্ধ হয়। তেওঁ নীতু সিঙৰ লগত বলীউডত বহুকেইখন ছবিত অভিনয় কৰিছিল ৷তেওঁলোকৰ দুটি সন্তান ৰিদ্ধিমা আৰু ৰনবীৰ কাপুৰ।