ৰাজ্যত আক্ৰান্তৰ সংখ্যা ৫৩ জনলৈ বৃদ্ধি

বৃহস্পতিবাৰে গুৱাহাটী তিনি, শিলচৰৰ চাৰি আৰু বহিঃৰাজ্যৰ এজনৰ লোকৰ দেহত ক’ভিড-১৯ ভাইৰাছৰ উপস্থিতি ধৰা পৰাৰ পাছত ৰাজ্যত আক্ৰান্তৰ সংখ্যা মুঠ ৫৩ জনলৈ বৃদ্ধি পালে ৷ মুঠ আক্ৰান্তৰ ৫৩ জনৰ ৩৪ জন ইতিমধ্যে সুস্থ হোৱাৰ বিপৰীতে এজনৰ মৃত্যু আৰু বৃহস্পতিবাৰ পৰ্যন্ত ১৯ জন ৰোগী চিকিৎসাধীন অৱস্থাত আছে | ইফালে, কৰ’না প্ৰাদুৰ্ভাৱ প্ৰতিহত কৰিবলৈ ৰাজ্যত কিছু শিথিলতাৰে তলাবন্ধ অব্যাহত থকাৰ সময়ত বৃহস্পতিবাৰে দ্ৰুতহাৰত সংক্ৰমণ বৃদ্ধি পোৱা ঘটনাই সকলোকে আতংকিত কৰি তুলিছে |