গুৱাহাটী চিকিৎসা মহাবিদ্যালয়ৰ  অধীক্ষক ডাঃ ৰমেন তালুকদাৰসহ ৩৮৬ জনক কোৱাৰেণ্টাইন

মন্ত্ৰী ড০ হিমন্ত বিশ্ব শৰ্মাৰ সংবাদমেল | গুৱাহাটী চিকিৎসা মহাবিদ্যালয়ৰ মেডিচিন বিভাগৰ শিক্ষাৰ্থী ডাঃ লিথিকেশ বি এছ কৰ’নাত আক্ৰান্ত | বৃহস্পতিবাৰে তেওঁ দেহত কৰ’নাৰ উপস্থিতি ধৰা পৰে | ডাঃ লিথিকেশ দক্ষিণাত্যৰ ছাত্ৰ | যোৱা চাৰি মে’ পৰা ক’ভিডৰ স্কেনিং টেষ্টৰ দায়িত্বত আছিল | ২৭ এপ্ৰিলতে তেওঁৰ দেহত চিন্তন দেখা দিছিল | ৩০ এপ্ৰলিত এখন ৱৰ্কচপত অংশ লৈছিল | তেওঁ নিজেই নমুনা পৰীক্ষা কৰিবলৈ আগবাঢ়ি আহিছিল | ইতিমধ্যেই তেওঁৰ সংস্পৰ্শলৈ অহা ৩৮৬ জনক কোৱাৰেণ্টাইন কৰা হৈছে | ইয়াৰ ভিতৰত গুৱাহাটী চিকিৎসা মহাবিদ্যালয়ৰ অধীক্ষক ডাঃ ৰমেন তালুকদাৰসহ কেবাজনো চিকিৎসক, প্ৰশাসনৰ লোকৰ লগতে তৃতীয়-চতুৰ্থ বৰ্গৰ কৰ্মচাৰী আছে | ইতিমধ্যে ডাঃ লিথিকেশে থকা এক নম্বৰ ছাত্ৰবাস কণ্টেইনমেন্ট জন হিচাপে চিহ্নিত কৰা হৈছে আৰু তেওঁ কেবাদিনো খাদ্য গ্ৰহণ কৰিবলৈ যোৱা পাঁচ নম্বৰ ছাত্ৰবাসও কণ্টেইনমেন্ট জ’ন হিচাপে ঘোষণা কৰা হৈছে |