বলীউডৰ অভিনেতা তথা বহিঃৰাজ্যত আৱদ্ধ হৈ পৰা শ্ৰমিকসকলৰ কাৰণে বাস্তৱৰ “হিৰো” হৈ পৰা চনু সুডে আজি মহাৰাষ্ট্ৰৰ পৰা একাংশ শ্ৰমিকক বিমানযোগে শিলচৰলৈ প্ৰেৰণ কৰে ৷ এয়াৰ এছিয়া বিমানেৰে মুম্বাইৰ ছত্ৰপতি শিৱাজী বিমানবন্দৰৰ পৰা ১৮০ জন শ্ৰমিকক শিলচৰলৈ প্ৰেৰণ কৰে চনু সুডে ।
কুম্ভীৰগ্ৰাম বিমানবন্দৰত দিনৰ ১২-১০ ত অৱতৰণ কৰে বিমানখন ৷ ইফালে ১৮০ জন শ্ৰমিকৰ মাজত আছে গুৱাহাটীৰ ১৪ আৰু হোজাইৰ ২৪ গৰাকী শ্ৰমিক । এই যাত্ৰীসকলক নিৰ্দিষ্ট কোৱাৰেন্টাইন কেন্দ্ৰলৈ পঠোৱা হৈছে ৷ উল্লেখযোগ্য যে সততে চিনেমাৰ ভিলেইনৰ চৰিত্ৰত অভিনয় কৰা চনু সুডে বহিঃৰাজ্যৰ শ্ৰমিকসকলক সহায় কৰি মহানুভৱতাৰ পৰিচয় দাঙি ধৰিছে ৷