বাঘজানত কালি সংঘটিত অগ্নিকাণ্ডৰ সময়ত কৰ্মৰত অৱস্থাত থকা অইলৰ অগ্নিনিৰ্বাপক বাহিনীৰ সন্ধানহীন হৈ থকা দুজন কৰ্মচাৰীৰ মৃতদেহ আজি পুৱা উদ্ধাৰ হৈছে এটা পুখুৰীত । তৈল খাদৰ সমীপতে থকা এটা পুখুৰীত উদ্ধাৰ হৈছে মৃতদেহ দুটা ।মৃতদেহ দুটা দুৰ্লভ গগৈ আৰু তিখেশ্বৰ গোঁহাই । NDRF আৰু SDRF ৰ অভিযানত উদ্ধাৰ হয় দুয়োটা মৃতদেহ । দ্ৰোণ কেমেৰাৰে পৰ্যবেক্ষন কৰিছিল এই দৃশ্য ।
- ইতিমধ্যে মৃতদেহ দুটা উদ্ধাৰ কৰি মৰণোত্তৰ পৰীক্ষাৰ কাৰণে লৈ যোৱা হৈছে ।
- জানিব পৰামতে মৃত দুৰ্লভ গগৈৰ ঘৰ নামৰূপত আৰু টিখেশ্বৰ গোঁহাইৰ ঘৰ চাবুৱাত ৷
- দুয়োজন মৃত কৰ্মচাৰীয়ে নিজকে জুইৰ পৰা বচাবলৈ তৈলখাদটোৰ কাষতে থকা বিলখনৰ পানীত জপিওৱাৰ সন্দেহ কৰা হৈছে ৷