বেলজিয়ামক চেৰ পেলাই কৰ’নাত মৃত্যুৰ সংখ্যাৰে বিশ্বৰ অষ্টম স্থানত ভাৰত

ক’ভিড ১৯ ৰ আক্ৰান্তৰ সংখ্যাৰে বিশ্বৰ ইখনৰ পিছত সিখন দেশক চেৰ পেলাই চতুৰ্থ স্থানত উপনীত হোৱা ভাৰতে মৃত্যুৰ সংখ্যাৰেও ক্ৰমে শীৰ্ষলৈ অগ্ৰসৰ হৈছে ৷ ইতিমধ্যে মৃত্যুৰ সংখ্যাৰে বেলজিয়ামক চেৰ পেলাই ভাৰতে অষ্টম স্থানলৈ উপনীত হয় ৷ স্বাস্থ্য মন্ত্ৰণালয়ৰ অনুসৰি বিগত ২৪ ঘন্টাত দেশত ৩৮০ জনতকৈ অধিক লোক কৰনাত আক্ৰান্ত হয় ৷ ইয়াকে ধৰি ভাৰতত মৃত্যু হোৱা লোকৰ সংখ্যা হৈছে ৯৯৩৭ জন। ৰাজ্যৰ ভিতৰত সৰ্বাধিক মৃত্যু হৈছে মহাৰাষ্ট্ৰত ৷ইয়াৰ বিপৰীতে গুজৰাটত ১৫০৬ আৰু দিল্লীত ১৪০০ জন লোকৰ মৃত্যু হৈছে ৷ ইপিনে দেশত ক’ভিড আক্ৰান্তৰ সংখ্যা ৩,৪৭,১৬৬ জনলৈ বৃদ্ধি হয় ৷ অৱশ্যে সুস্থ হোৱা লোকৰ সংখ্যাও যথেষ্ট উৰ্দ্ধগামী হৈছে ৷ এই পৰ্যন্ত সুস্থ হোৱা লোকৰ সংখ্যা ১,৮৩,৭০০ জন । আক্ৰান্ত লোকৰ ক্ষেত্ৰত ইতিমধ্যে লাখৰ ঘৰ পাৰ কৰা মহাৰাষ্ট্ৰত এই সংখ্যা ১,১০,৭৪৪ জনলৈ বৃদ্ধি পায় ।