Facebook :
ফে’চবুকৰ জনপ্ৰিয়তা অদম্য হৈয়ে আছে। সময়ৰ লগে লগে ছ’চিয়েল মিডিয়া আমাৰ জীৱনৰ এক অপৰিহাৰ্য অংগ হৈ পৰিছে৷ ৰেষ্টুৰেণ্টত খোৱাৰ পৰা আৰম্ভ কৰি মহাকুম্ভত গা ধুবলৈ, বন্ধু-বান্ধৱীৰ লগত আড্ডা দিয়াৰ পৰা আৰম্ভ কৰি অফিচৰ পিক্নিক্লৈকে বিভিন্ন মুহূর্ত ফে’চবুকত পোষ্ট কৰা হয়।
ব্যৱহাৰকাৰীসকলেও ৱালত বিভিন্ন কথা লিখে। কিন্তু জানেনে, সকলো সময়তে ফে’চবুকত কিবা এটা পোষ্ট কৰি থাকোতে এনেকুৱা কিবা এটা পোষ্ট কৰিব পাৰে যিয়ে আপোনাক কাৰাগাৰলৈ প্ৰেৰণ কৰিব পাৰে !
আচলতে বহুতে নিজৰ চিন্তা, পোষ্ট, মন্তব্য বা ভিডিঅ’ ছ’চিয়েল মিডিয়াত শ্বেয়াৰ কৰে। বহুতে সেইবোৰ কোনো চিন্তা নকৰাকৈ প’ষ্ট কৰে আৰু তাতেই বিপদ হয়। সামাজিক মাধ্যমত কি ধৰণৰ পোষ্টে আপোনাক বিপদত পেলাব পাৰে জানি লওক।
আপত্তিজনক বা উত্তেজক পোষ্ট
যদিহে জাতীয় বা সাম্প্ৰদায়িক আৱেগক আঘাত কৰা পোষ্ট দিয়া হয়, তেন্তে তথ্য প্রযুক্তি আইন আৰু ভাৰতীয় ন্যায় সংহিতাৰ বিভিন্ন ধাৰাত ব্যৱহাৰকাৰীৰ বিৰুদ্ধে গোচৰ ৰুজু কৰিব পাৰি। এই ধৰণৰ পোষ্টক চাইবাৰ অপৰাধ বুলি গণ্য কৰা হয়। গতিকে এনেবোৰ কথা শ্বেয়াৰ কৰাৰ সময়তে নহয়, যিকোনো ধৰণৰ মন্তব্য কৰাৰ সময়তো সাৱধান হ’ব লাগিব ।
গোপনীয়তা উলংঘা
কাৰোবাৰ ফটো বা ভিডিঅ’ ফে’চবুকত তেওঁৰ অনুমতি অবিহনে পোষ্ট কৰাটো বিপজ্জনক হ’ব পাৰে। তথ্য প্রযুক্তি আইনৰ ৬৬ই আৰু ৬৭এ ধাৰাত এয়া অপৰাধ। যদি অভিযোগ প্রমাণিত হয় তেন্তে জেল আৰু জৰিমনা দুয়োটা হ’ব পাৰে। গতিকে কাৰোবাৰ ফটো বা ভিডিঅ’ তেওঁলোকৰ অনুমতি অবিহনে শ্বেয়াৰ নকৰিব। তদুপৰি কাৰোবাৰ ব্যক্তিগত তথ্য যেনে ফোন নম্বৰ, ঠিকনা বা বেংকৰ তথ্য শ্বেয়াৰ কৰাটোও সমানেই ভুল। এই ধৰণৰ কামৰ পৰা সাৱধান হওক।
ভুৱা প্ৰফাইল
আন কাৰোবাৰ নাম, ফটো বা তথ্য ব্যৱহাৰ কৰি ফে’চবুকত ভুৱা একাউণ্ট শ্বেয়াৰ কৰিলে বিপদৰ আমন্ত্ৰণহে হ’ব। তথ্য প্রযুক্তি আইনৰ ৬৬চি আৰু ৬৬ডি ধাৰাত দোষী সাব্যস্ত হ’লে তিনি বছৰ পৰ্যন্ত কাৰাদণ্ড হ’ব পাৰে। এক বৃহৎ জৰিমনাও দিব লাগিব ।
ভুৱা বাতৰি শ্বেয়াৰ
কেতিয়াবা ফে’চবুকত ভুৱা বাতৰি ভাইৰেল হৈ পৰে। আৰু বহুতে সেইবোৰ ভেৰিফাই নকৰাকৈ শ্বেয়াৰ কৰে। মনত ৰাখিব, যদি আপুনি ভুৱা তথ্য, বিকৃত ছবি বা উৰাবাতৰি শ্বেয়াৰ কৰে তেন্তে আইটি আইন, তথ্য প্রযুক্তি আৰু ভাৰতীয় ন্যায় সংহিতাৰ অধীনত আপোনাৰ বিৰুদ্ধে গোচৰ ৰুজু হ’ব পাৰে। গতিকে যিকোনো বাতৰি শ্বেয়াৰ কৰাৰ আগতে তাৰ সত্যতা পৰীক্ষা কৰক। কেৱল নিৰ্ভৰযোগ্য সংবাদ মাধ্যমক বিশ্বাস কৰক।
মুঠতে ফে’চবুকৰ দৰে সামাজিক মাধ্যম ব্যৱহাৰত সচেতন হওক, সতর্ক হওক। অলপতে অসমৰে এজন ব্যক্তিক সামাজিক মাধ্যমত এক ইম’জি শ্বেয়াৰ কৰাৰ কাৰণত আৰক্ষীয়ে আইনী পদক্ষেপ গ্ৰহণ কৰিলে। গতিকে সামাজিক মাধ্যমত সাৱধান হৈ সক্ৰিয় হওক। অন্যথা আপুনি সন্মুখীন হ’ব পাৰে আইনী সমস্যাৰ।