মনোৰঞ্জন জগতৰ অন্যতম চৰ্চিত ক’পল মিলিন্দ সুমন আৰু অসমৰ জীয়ৰী অংকিতা কোঁৱৰে শেহতীয়াকৈ ইনষ্টাগ্ৰামত শ্বেয়াৰ কৰিছে এটি ৰোমান্টিক ভিডিঅ’ ৷ ভিডিঅ’টিত দুয়োজনে Elvis Presley ৰ “Can’t help falling in love” গীতটিত ডান্স কৰিছে ৷ লগতে তেওঁলোকৰ ভিডিঅ’টিত অংকিতাই কেপশ্বন দিছে যে “বৰষুণৰ টোপাল, সংগীত আৰু তুমি ৷ ইয়াতকৈ ভাললগা আৰু নাই ৷” সপ্তাহৰ প্ৰথমটো দিনতেই অংকিতাই স্বামী মিলিন্দৰ স’তে দিয়া এই ৰোমান্তিক প’ষ্টে সকলোকে আকৰ্ষণ কৰাৰ লগতে চৰ্চিত হৈছে ৷
সততে অংকিতাই স্বামী মিলিন্দ সুমনৰ লগত ইনষ্টাগ্ৰামত বিভিন্ন ভিডিঅ’ তথা ফ’টো আপলোড কৰে। কিছুদিন পূৰ্বে অংকিতাই মিলিন্দৰ স’তে এখন ফ’টো শ্বেয়াৰ কৰাৰ লগতে মিলিন্দে ব্যায়াম কৰাৰ ভিডিঅ’ও আপলোড কৰিছিল ৷
দুয়োজনৰে ৰোমান্টিক প’ষ্টসমূহক অনুৰাগীয়েও আদৰি লৈছিল। অসমৰ জীয়ৰী অংকিতাই মিলিন্দ সুমনৰ লগতে ২০১৮ চনত বিবাহ পাশত আৱদ্ধ হৈছিল ৷ গতিকে অসমৰেই জোৱাঁই মিলিন্দ সুমন। শেহতীয়াকৈ মিলিন্দ সুমনক আমজন প্ৰাইম ভিডিঅ’ৰ এখন ৱেব চিৰিজত দেখা গৈছিল ৷