শিথিলতাৰ প্ৰথম দিনতে মহানগৰীত নাই কোনো সামাজিক দূৰত্ব

ক’ভিড-১৯ ভাইৰাছৰ সংক্ৰমণ ৰোধ কৰিবলৈ যোৱা ২৯ জুনৰ পৰা গুৱাহাটী মহানগৰীত ১৪ দিনৰ বাবে অব্যাহত আছে তলাবন্ধ । কিন্তু দেওবাৰে কিছু শিথিলতাৰে পাইকাৰী দোকানসমূহ খোলাৰ পাছতে ব্যাপক সমাগম সৃষ্টি হয় গণেশগুৰি পাইকাৰী বজাৰত । অৱশেষত পৰিস্থিতি নিয়ন্ত্ৰণ কৰিবলৈ আৰক্ষী-অৰ্ধসামিৰক বাহিনী মোতায়ান কৰিবলগীয়া অৱস্থা উদ্ভৱ হয়। কোনোধৰণৰ সামজিক ব্যৱধানৰ অবিহনে কিশোৰ-মহিলাৰ পৰা বৃদ্ধলৈকে সামগ্ৰী ক্ৰয় কৰিবলৈ হেতা-ওপৰা লগায় খুচুৰা ব্যৱসায়ীসকলে । যিটো সময়ত মহানগৰৰীত কৰ’নাৰ সংক্ৰমণ ব্যাপক হাৰত অব্যাহত আছে তেনে ক্ষেত্ৰত এতিয়াও মহানগৰবাসী সজাগ নোহোৱা বিষয়টোৱে সচেতন মহলক আচম্বিত কৰি তুলিছে।