বলীউডৰ অভিনেতা আমিৰ খান ব্যস্ত আছে তেওঁৰ মুক্তিৰ অপেক্ষাত থকা ছবি “লাল সিং চদ্ধা”ৰ দৃশ্যগ্ৰহণত ৷ ছবিখন দৃশ্যগ্ৰহণৰ কাৰণে তুৰ্কীলৈ যোৱা আমিৰে তুৰ্কীৰ ফাৰ্ষ্ট লেডী “এমীন এৰদোগান”(Emine Erdogan) ক সাক্ষাৎ কৰে ৷ আনহাতে আমীৰে তুৰ্কীৰ ফাৰ্ষ্ট লেডীক সাক্ষাৎ কৰা কথাটো পছন্দ হোৱা নাই অনুৰাগী ৷ যাৰ কাৰণে সম্প্ৰতি আমীৰ খান সমালোচনাৰ সন্মুখীন হৈছে ৷ কাৰণ শেহতীয়াকৈ তুৰ্কী আৰু ভাৰতৰ আন্তৰাষ্ট্ৰীয় সম্বন্ধ ক্ৰমাৎ অৱনতি ঘটিছে ৷
তথ্য অনুসৰি তুৰ্কীয়ে কাশ্মীৰত সন্ত্ৰাসবাদী বৃদ্ধি কৰাত সহায় কৰিছে ৷ এনে সময়তে আমিৰ খানৰ তুৰ্কীৰ ফাৰ্ষ্ট লেডীক সাক্ষাৎ কৰাতো পছন্দ হোৱা নাই অনুৰাগীৰ । ইফালে তুৰ্কী ফাৰ্ষ্ট লেডীয়ে বলীউডৰ অভিনেতাজনক লগ পাই আনন্দিত হৈ পৰে।
টুইটাৰ যোগে এমীনে এদোগানে প্ৰকাশ কৰে “এগৰাকী প্ৰসিদ্ধ ছবি নিৰ্মাতা, নিৰ্দেশক, পৰিচালক আজি ইষ্টানবুলত উপস্থিত হৈছে ৷ মই আমিৰ খানক সাক্ষাৎ কৰি সুখী হৈ পৰিছো । তুৰ্কীত তেওঁৰ ছবি লাল সিং চদ্ধা দৃশ্যগ্ৰহণ হৈছে ৷ ইয়াৰ কাৰণে মই বহুত সুখী “৷
কিছুদিন পূৰ্বে এই ছবিখনৰ মুক্তিৰ তাৰিখ প্ৰকাশ পাইছিল যদিও তলাবন্ধৰ কাৰণে বাতিল কৰা হয় । আমিৰ খানৰ লাল সিং চদ্ধাক ২০২০ ৰ বৰদিনত মুক্তি দিয়াৰ কথা আছিল । কিন্তু সম্প্ৰতি ছবি সমালোচক তৰুণ আদৰ্শই কয় যে এই ছবিখনত ২০২১ৰ বৰদিনতহে মুক্তি দিয়া হ’ব ৷ উল্লেখযোগ্য যে এই ছবিখনত কৰীণা কাপুৰ, বিজয় সেতুপতি আৰু ম’না সিঙৰ দৰে অভিনেতা অভিনেত্ৰীয়ে অভিনয় কৰিছে ৷