বিগত ২৪ঘন্টাত ভাৰতত কোৰোনাত আক্ৰান্ত ৭৬হাজাৰ ৪৭২হাজাৰ।আনহাতে মৃত্যু হৈছে ১,০২১গৰাকী কোৰোনাত আক্ৰান্ত ৰোগী। ইয়াৰ লগে লগে ভাৰতত ক’ৰনাত আক্ৰান্ত মুঠ লোকৰ সংখ্যাই অতিক্ৰম কৰিলে 34,63,973গৰাকী।
জম্মু-কাশ্মীৰত জাদৰা আৰু পুলৱামা অঞ্চলত সেনা সন্ত্ৰাসবাদীৰ মাজত হোৱা সংঘৰ্ষত নিহত হৈছে তিনিটাকৈ সন্ত্ৰাসবাদী।আনহাতে গুৰুতৰভাৱে আহত হৈছে এগৰাকী সেনা জোৱান।জোৱানজনক ভৰ্তি কৰা হৈছে চিকিতসালয়ত। উল্লেখ্যে যে, সন্ত্ৰাসবাদী আত্মগোপন কৰি থকাৰ খবৰ পাই সেনাই চলাইছিল এই অভিযান।
কংগ্ৰেছত যোগদান কৰিয়েই সম্পাদকৰ দায়িত্বভাৰ গ্ৰহণ কৰিলে বাবু বৰুৱা, নেকিব, অজয় ফুকনে৷ অজয় ফুকনক মুখপাত্ৰ আৰু মিডিয়া পেনেলিষ্টৰো দায়িত্ব দিয়া হ’ল ৷তৎকালীনভাৱে কাৰ্যকৰী হোৱাকৈ APCC ৰ সভাপতি ৰিপুন বৰাই তেওঁলোকক এই দায়িত্ব অৰ্পণ কৰে।
অসমৰ ৰাষ্ট্ৰীয় বঁটা প্ৰাপ্ত চলচ্চিত্ৰ নিৰ্মাতা উৎপল বৰপূজাৰীয়ে পৰিচালনা কৰা তথ্যচিত্ৰ মেম’ৰিজ অফ ফৰগোটেন ৱাৰ’ অনলাইন প্লেটফৰ্ম মুভিষ্টেইনত ২ ছেপ্তেম্বৰত প্ৰদৰ্শন কৰা হ’ব।ইপিনে,৭৫ বছৰ আগতে সমাপ্ত হোৱা দ্বিতীয় বিশ্বযুদ্ধৰ ছবি তথ্য চিত্ৰখনত দেখুৱা হৈছে।
ৰাজ্যত পুনৰ ২৫৬০জনৰ দেহত ধৰা পৰে ক’ভিড পজিটিভ।ইয়াৰে ৫৬২জন কামৰূপ মেট্ৰ, ১৬৭জন যোৰহাট, ১৬৫জন কাছাৰ, ১৩৯জন ডিব্ৰুগড় আৰু ১৩৫জন হাইলাকান্দিৰ।আনহাতে কৰ’না ভাইৰাছত আক্ৰান্তৰ সংখ্যা ১০১৩৬৭জনলৈ পাইছে বৃদ্ধি।ইফালে,মৃত্যু হৈছে ২৮৬জন।