ভাৰত-চীন সীমান্তৰ উত্তেজনাৰ মাজতে পাকিস্তানে বিগত আঠ মাহত জম্মু কাশ্মীৰত প্ৰকৃত নিয়ন্ত্ৰণ ৰেখাত ৩.১৮৬ বাৰ যুদ্ধবিৰতি উলংঘা কৰিছে। সংসদত এই তথ্য প্ৰকাশ কৰিছে চৰকাৰে ৷ বিগত ১৭ বছৰে চলিত বৰ্ষত সকলোতকৈ অধিক যুদ্ধ বিৰতি উলংঘা কৰিছে পাকিস্তানে ।
২০০৩ ত তৎকালীন প্ৰধানমন্ত্ৰী অটল বিহাৰী বাজপেয়ীৰ যুদ্ধ বিৰতিৰ চুক্তি ভংগ কৰিছিল ৷যুদ্ধ বিৰতি উলংঘাৰ ওপৰিও ১ জানুৱাৰীৰ পৰা ৩১ আগষ্টলৈকে জম্মুত আন্তৰাষ্ট্ৰীয় সীমান্ত অঞ্চলত ২৪২ বাৰ ক্ৰচ বৰ্ডাৰ গুলীচালনাৰ ঘটনাও সংঘটিত হৈছে ।ৰাজ্যসভাত এই তথ্য দিয়ে প্ৰতিৰক্ষা ৰাজ্যমন্ত্ৰী শ্ৰীপদ নাইকে ৷
অৱশ্যে কেন্দ্ৰীয় মন্ত্ৰী নাইকে কয় যে যেতিয়াই এনে ধৰণৰ ঘটনা সংঘটিত হৈছে তেতিয়াই ভাৰতীয় সেনাই উচিত প্ৰত্যুত্তৰ দিছে ৷চলিত বৰ্ষত যুদ্ধ বিৰতি উলংঘনৰ কাৰণে ভাৰতীয় সেনাৰ ৮ জন সেনা ছহিদ হয় আৰু দুজন আহত হৈছে ।
১৮ ছেপ্টেম্বৰত বিয়লি পাকিস্তানৰ ফালৰ পৰা কৰা গুলীচালনাত প্ৰকৃত নিয়ন্ত্ৰণ ৰেখাৰ ওচৰত থকা এখন গাঁৱৰ এগৰাকী মহিলাৰ শৰীৰত গুলী লগাৰ কাৰণে আহত হয় মহিলাগৰাকী ৷চলিত বৰ্ষৰ জুনলৈকে অৰ্থা বছৰটোৰ আৰম্ভণিৰে পৰা প্ৰায় ২,৪৩২ বাৰ যুদ্ধ বিৰতি উলংঘন হয় ।অৱশ্যে পাছলৈ কৰ’না মহামাৰীৰ কাৰণে ইয়াৰ পৰিমাণ কিছু হ্ৰাস হয়। পাকিস্তানত কৰ’নাত প্ৰায় ৩ লাখ লোক আক্ৰান্ত হোৱাৰ বিপৰীতে ভাৰতত প্ৰায় ৫৩ লাখ লোক আক্ৰান্ত হৈছে কৰ’নাত ৷