- প্ৰশ্ন কাকত ফাদিলৰ ঘটনাৰ অন্যতম অভিযুক্ত দ্বিবন ডেকাক জিম্মাত বিচাৰি আদালতৰ দ্বাৰস্থ চিআইডি।
- আৰক্ষী উপ-পৰিদৰ্শক পদত নিযুক্তিৰ নামত ধন সংগ্ৰহৰ অভিযোগত মহানগৰ আৰক্ষী অপৰাধ কোষ থানাত ৰুজু হৈ থকা ১৩/২০২০ নম্বৰ গোচৰত গ্ৰেপ্তাৰ হোৱা দ্বিবন ডেকাৰ পাচঁদিনীয়া জিম্মাৰ ম্যাদ অন্ত পৰাৰ পাছতে আজি আদালতত হাজিৰ কৰায় আৰক্ষীয়ে।
- প্ৰশ্নকাকত ফাদিল সম্পৰ্কত চি আই ডি থানাত ৰুজু হৈ থকা ২১/২০২০ নম্বৰ গোচৰৰো অন্যতম অভিযুক্ত বিজেপি নেতাজন।
- ইয়াৰ ভিত্তিতে সংশ্লিষ্ট গোচৰত জেৰাৰ বাবে বিজেপি নেতাজনক জিম্মাত বিচাৰি আদালতৰ দ্বাৰস্থ হৈছে চিআইডি।
- পি কে দত্তৰে সৃষ্টি হোৱা সংঘাতৰ পাছতে মেচাৰ্চ অক্ষয় টেলি কমিউনিকেছন প্ৰাইভেট লিমিটেডৰ সঞ্চালক গৌতম মেছৰ জৰিয়তে ফাদিল হোৱা প্ৰশ্নকাকত নিযুক্তি বোৰ্ডৰ পদত্যাগী অধ্যক্ষ প্ৰদীপ কুমাৰলৈ প্ৰেৰণ কৰে ধৃত ডেকাই।
- পাছত প্ৰদীপ কুমাৰে দাখিল কৰা এজাহাৰৰ ভিত্তিত ৰুজু কৰা ২১/২০২০ নম্বৰ গোচৰতে চি আই ডিয়ে জিম্মাত বিচাৰিছে দ্বিবনক।
- এজাহাৰ দাখিলৰ সময়ত গৌতম মেছৰ লগতে দ্বিবন ডেকায়ো সংগ দিছিল প্ৰদীপ কুমাৰক।
- পাছত সমগ্ৰ ঘটনাত নাম সাঙোৰ খাই পৰাৰ পাছৰে পৰা আত্মগোপন কৰা দ্বিবনে যোৱা ২৯ ছেপ্তম্বৰৰ নিশা জালত পৰে আৰক্ষীৰ।
ADVERTISEMENT
