দেওবাৰে বলিউদৰ অভিনেত্ৰী, বিশ্ব সুন্দৰী তথা বচ্চন পৰিয়ালৰ বোৱাৰী ঐশ্বৰ্য ৰায় বচ্চনে জন্মদিন পালন কৰে । অৱশ্যে ঐশ্বৰ্যই জন্মদিনৰ দিনা বচ্চনৰ পৰিয়ালত অৰ্থাৎ “জলছা”ত অভিষেক বচ্চন আৰু আৰাধ্যাৰ লগত সময় অতিবাহিত কৰে । ইয়াৰ মাজতে অভিষেক বচ্চনে পত্নী ঐশ্বৰ্যক দিয়ে এক বিশেষ ধৰণৰ শুভ কামনা।
ঐশ্বৰ্যলৈ উদ্দেশ্য কৰি অভিষেকে লিখে “জন্ম দিনৰ বিশেষ শুভেচ্ছা ‘Wifey’ ৷ সকলোবোৰৰ কাৰণে ধন্যবাদ । সদায় যেন হাঁহি আৰু সুখী থাকা । মই তোমাক নিস্বাৰ্থভাৱে ভাল পাঁও।”
https://www.instagram.com/bachchan/?utm_source=ig_embed
ইনষ্টাগ্ৰামত ঐশ্বৰ্যলৈ “Wifey” হিচাপে লিখা অভিষেকক এই বাৰ্তাটোৱে বিশেষ চৰ্চা লাভ কৰিছে। আনহাতে ইনষ্টাগ্ৰামত অভিষেকৰ এই বিশেষ প’ষ্টটোত ঐশ্বৰ্যক এম্ব্ৰইডাৰী ড্ৰেচ আৰু অভিষেকক কুৰ্তা পায়জামাত দেখা গৈছে।
ইপিনে অভিষেক-ঐশ্বৰ্যৰ আঠ বছৰীয়া জীয়ৰী আৰাধ্যাক উদ্দেশ্য কৰি ইনষ্টাগ্ৰামত ঐশ্বৰ্যই লিখিছে বিশেষ প’ষ্ট ৷ ঐশ্বৰ্যই লিখিছে “মোৰ ৰাজকুমাৰী আৰাধ্য। মই তোমাক নিস্বাৰ্থভাৱে ভাল পাঁও । এতিয়া আৰু অনাগত সময়ৰ কাৰণে ধন্যবাদ ।”
https://www.instagram.com/aishwaryaraibachchan_arb/?utm_source=ig_embed
লগতে ঐশ্বৰ্যই তেওঁক জন্মদিনৰ শুভেচ্ছা জনোৱা অনুৰাগীসকলক ধন্যবাদ জ্ঞাপন কৰে ।
উল্লেখযোগ্য যে ঐশ্বৰ্যই ঘৰতে জন্মদিন পালন কৰিলেও বলিউদৰ বহু অভিনেতা-অভিনেত্ৰীয়ে অভিনেত্ৰী গৰাকীক জনায় জন্মদিনৰ শুভেচ্ছা । ইয়াৰ ভিতৰত সোনম কাপুৰ, কেটৰীণা কাইফ, শিল্পা চেট্টী, অনুস্কা শৰ্মা, আলিয়া ভাট্ট, ঋত্বিক ৰোশন, অনিল কাপুৰ অন্যতম ।
