আজাৰা থানাৰ অন্তৰ্গত গড়লত আজি নিয়ন্ত্ৰণ হেৰুৱাই পথৰ দাঁতিৰ খালত বাগৰি পৰে এখন ৱেগনাৰ । খানামুখৰ তেল ডিপোৰ সমীপৰ নিৰঞ্জন বৈশ্যই আজি দুপৰীয়া এক মান বজাত এ এচ ০১ এ আৰ-৮৮৭০ নম্বৰৰ ৱেগনাৰ বাহনখন লৈ গড়লৰ পৰা নিজ গৃহলৈ আহি আছিল ।
গড়ল দুৰ্গা মন্দিৰ পাৰ হোৱাৰ পাছতে হঠাতে বৈশ্য অসুস্থ হোৱাৰ পৰিপ্ৰেক্ষিতত লগে লগে নিয়ন্ত্ৰণ হেৰুৱাই ৱেগনাৰ বাহনখন পথৰ পৰা বাগৰি পথৰ দাঁতিত থকা খালত সোমাই যায় ।
অৱশ্যে সৌভাগ্যক্ৰমে চালক নিৰঞ্জন বৈশ্যই কোনো আঘাট নোপোৱাকৈ ৰক্ষা পৰে । আৰু পাছত ৰিকভাৰী ভানৰ সহায়ত বাহনখন খালৰ পৰা উঠাই অনা হয় ।