এমাজ’ন প্ৰাইমৰ নতুন ৱেব ছিৰিজ “তাণ্ডৱ”ৰ বাবে উত্তৰ প্ৰদেশৰ আৰক্ষীয়ে, নিৰ্মাতা সকলৰ বিৰুদ্ধে হিন্দু দেৱতাসকলক অপমান কৰা আৰু ষ্ট্ৰিমিং ছাৰ্ভিছৰ বিৰুদ্ধে গোচৰ দাখিল কৰাৰ লগতে আটকৰ কৰাৰ সতৰ্কবাণী দিয়াৰ অভিযোগ উত্থাপন হৈছে ।মহাৰাষ্ট্ৰৰ বিজেপি বিধায়ক ৰাম কাদামে দাখিল কৰা অভিযোগত কেন্দ্ৰৰ তথ্য আৰু সম্প্ৰচাৰ মন্ত্ৰণালয়ে এমাজ’ন প্ৰাইমৰ পৰা সঁহাৰি বিচাৰিছিল বুলি জানিব পৰা গৈছে।
ছেইফ আলী খান-ডিম্পল কপাড়িয়া অভিনীত ছবি “তাণ্ডাৱ”ৰ পৰিচালক, প্ৰযোজক, লেখক আৰু আমাজ’নৰ প্ৰধান ইণ্ডিয়ান অৰিজিনেল কণ্টেণ্টৰ বিৰুদ্ধে ধৰ্মীয় শত্ৰুতা প্ৰচাৰ আৰু পূজা স্থান অশুচি কৰাৰ অভিযোগ উত্থাপন কৰা হৈছে । লখনৌ হজৰতগঞ্জ আৰক্ষী চকীত কৰ্তব্যৰত উপ-পৰিৰ্দশকে লখনৌ আৰক্ষী চকীত গোচৰ ৰোজো কৰিছে ।এই গোচৰ ৰোজো হোৱাৰ ঠিক পাছতে উত্তৰ প্ৰদেশৰ মুখ্যমন্ত্ৰী য’গি আদিত্যনাথৰ মিডিয়া পৰামৰ্শদাতা শলভ মণি ট্ৰিপাথিয়ে টুইটাৰত ইয়াৰ এটা প্ৰতিলিপি শ্বেয়াৰ কৰে।
তেওঁ টুইটত লিখে, ‘য’গি আদিত্যনাথৰ উত্তৰ প্ৰদেশত মানুহৰ অনুভূতিকলৈ খেলাৰ কোনো অধিকাৰ নাই । তাণ্ডৱ দলটোৰ বিৰুদ্ধে এক গুৰুতৰ গোচৰ ৰুজু কৰা হৈছে । যিয়ে সস্তীয়া ৱেব ছিৰিজৰ ছদ্মবেশত ঘৃণাৰ সৃষ্টি কৰিছে । গ্ৰেপ্তাৰৰ বাবে প্ৰস্তুত ।’আৰক্ষী বিষয়াজনে কয় যে তেওঁ জ্যেষ্ঠ বিষয়াসকলক তাণ্ডৱৰ বিষয়বস্তুৰ সমালোচনা কৰি বহু টুইটাৰ মন্তব্যৰ বিষয়ে বিষয়াসকলক সতৰ্ক কৰাৰ পাছত তেওঁ অভিযোগ দাখিল কৰিছিল।
অভিযোগটোত কোৱা হৈছে যে প্ৰথম খণ্ডৰ ১৭ মিনিটত, “হিন্দু দেৱ-দেৱীক উপস্থাপনৰ বাবে অভিনেতা-অভিনেত্ৰীসকলে অতি বেয়া পোছাক পৰিধান কৰিছিল । যি ধৰ্মীয় অনুভূতিত আঘাত কৰে।” একেটা খণ্ডতে “বাৰ্তালাপৰ দ্বাৰা বৰ্ণ বিভেদৰ দিশে পৰিচালিত কৰা হৈছে, আন খণ্ডবোৰতো একেই ধৰণৰ দৃশ্য আছে । ৱেব ছিৰিজত, ভাৰতৰ প্ৰধান মন্ত্ৰীৰ উচ্চপদত অধিস্থিত ব্যক্তিজনৰ চৰিত্ৰটো অতি অশ্লীলভাৱে প্ৰদৰ্শন কৰা হৈছে । ছিৰিজখনত নিম্ন আৰু উচ্চ বৰ্ণ দৃশ্য প্ৰদৰ্শন হৈছে যিয়ে মহিলাসকলক অৱমাননা কৰিছে বুলি অভিযোগত কোৱা হৈছে।”