ভাৰতত ইতিমধ্যে ৪৫ শতাংশ অধিক স্বাস্থ্যকর্মীয়ে গ্রহণ কৰিছে ক’ভিড-১৯ৰ প্রতিষেধক। টিকাকৰণ আৰম্ভ হােৱাৰ মাত্র ২১ দিনৰ ভিতৰতে দেশৰ ৫৭ লক্ষাধিক স্বাস্থ্যকর্মীক দিয়া হ’ল কৰনাৰ প্ৰতিষেধক। অন্যান্য দে তুলনাত অতি দ্রুতগতিৰে টিকাকৰণ সম্পন্ন হৈছে। ব্রিটেইন, আমেৰিকা, ইজৰাইলৰ দৰে দেশতকৈও কম সময়ৰ ভিতৰতে ৪০ লক্ষাধিকক প্রতিষেধক দি দৃষ্টান্ত স্থাপন কৰিলে ভাৰতে।
যােৱা ১৬ জানুৱাৰীত দেশজুৰি টিকাকৰণ কাৰ্যসূচীৰ সূচনা কৰিছিল প্রধানমন্ত্রী নৰেন্দ্ৰ মােদীয়ে। ইয়াৰ পাছত দুই ফেব্ৰুৱাৰী পর্যন্ত প্রতিষেধক লাভ কৰা স্বাস্থ্যকর্মীৰ সংখ্যাই ৪০ লাখ অতিক্রম কৰে। কেন্দ্রীয় স্বাস্থ্য মন্ত্রণালয়ৰ তৰফৰ পৰা প্ৰদান কৰা তথ্য অনুসৰি, বুধবাৰে তিনি লাখ ১০ হেজাৰ ৬৩৪জনক প্রতিষেধক দিয়া হয়। সকলাে মিলাই দেশত এই পর্যন্ত ৪৪ লাখ ৪৯ হেজাৰ ৫৫২জন স্বাস্থ্যকর্মীয়ে কৰনাৰ টিকা লাভ কৰিছে।
চৰকাৰী তথ্য অনুসৰি, তালিকাভুক্ত স্বাস্থ্যকর্মীসকলৰ ভিতৰত বুধবাৰ পর্যন্ত ৪৭ শতাংশই প্রতিষেধক লাভ কৰিছে। সমগ্র দেশত প্রতিষেধক প্রদানৰ বাবে চৰকাৰী আৰু বেচৰকাৰী মিলাই মুঠ ৯২ লাখ ৬১ হেজাৰ ২২৭জন চিকিৎসক-নাছ বা অন্যান্য স্বাস্থ্যকর্মীক নির্বাচন কৰা হৈছিল। উল্লেখ্য যে দৈনিক ভিত্তিত প্রতিষেধক প্রদানৰ দিশতাে বিশ্বৰ অনেক দেশৰ তুলনাত প্রথম পৰাই ভাৰত আগবাঢ়ি আছে।
প্রথম ছদিনতে ১০ লাখ স্বাস্থ্যকর্মীক দিয়া হৈছিল ক’ভিশ্বিল্ড বা ক’ভেক্সিনৰ ড’জ বা পালি। সেই অংকটোৱে ৪০ লাখ অতিক্রম কৰিবলৈ সময় ল’লে মাত্র ১৮ দিন। একেই পৰিমাণৰ টিকাকৰণৰ বাবে আমেৰিক প্রয়ােজন হয় ২০ দিন। ব্রিটেইন আৰু ইজৰাইলত লাগিছিল ৩৯ দিন। ৰাজ্যিক ভিত্তিত শতাংশৰ হিচাপত প্রতিষেধক প্রদানৰ ক্ষেত্ৰত আগবাঢ়ি আছে মধ্যপ্রদেশ।
ৰাজ্যখনৰ তালিকাভুক্ত স্বাস্থ্যকর্মীসকলৰ ৬৯.৪ শতাংশক ইতিমধ্যে প্রতিষেধক দিয়া হৈছে। তাৰ পাছতে ৬৪.৭ শতাংশৰে দ্বিতীয় স্থানত আছে ৰাজস্থান। অৱশ্যে মুঠ প্রতিষেধক প্রাপকৰ সংখ্যাত দেশৰ ভিতৰত শীর্ষত উত্তৰপ্ৰদেশ। যােগী আদিত্যনাথৰ ৰাজ্যৰ চাৰি লাখ ৬৩ হেজাৰৰ অধিক লােকে এই পর্যন্ত প্রতিষেধক লাভ কৰিছে। যি সংখ্যা উত্তৰপ্ৰদেশৰ মুঠ তালিকাভুক্তৰ ৫১ শতাংশ।
প্রতিষেধক প্ৰদানৰ বাবে সবাতােকৈ অধিক স্বাস্থ্যকর্মী তালিকাভুক্ত হােৱা ৰাজ্যখন হৈছে মহাৰাষ্ট্র। ৰাজ্যখনৰ ন লাখ ৩৬ হেজাৰ ৮৫৭ জন স্বাস্থ্যকর্মীক প্রতিষেধক প্রদানৰ বাবে তালিকাভুক্ত কৰা হৈছে। অৱশ্যে মহাৰাষ্ট্ৰত এই পর্যন্ত মাত্র ৩৪ শতাংশ লােকেহে প্রতিষেধক লাভ কৰিছে। প্রতিষেধক প্রদানৰ ক্ষেত্ৰত পাছ পৰি আছে দিল্লী (২৬.৬শতাংশ), তামিলনাড়ু (২২.৬ শতাংশ), চত্তিশগড় (২৯ শতাংশ) আৰু গােৱা (২৮.৩ শতাংশ)।উল্লেখ্য যে মার্চ-এপ্রিলৰ ভিতৰতে কেন্দ্রই স্বাস্থ্যকর্মী আৰু প্ৰথম শাৰীৰ কৰ’না যােদ্ধাসহ প্রায় তিনি কোটি লােকক প্রতিষেধক প্রদানৰ লক্ষ্য বান্ধি লৈছে।