তেওঁৰ নতুন ছবি ‘ঢাকৰ’ আৰু ‘থালাইভি’ৰ কেইবাটাও ছবি নিজৰ ছ’চিয়েল মিডিয়া একাউন্টত প’ষ্ট কৰিছিল। অভিনেত্ৰীগৰাকীয়ে দাবী কৰিছে যে পৃথিৱীৰ কোনেও তেওঁৰ দৰে অভিনয় কৰিব নোৱাৰে। অভিনেত্ৰীগৰাকীৰ মন্তব্যই এতিয়া অভিনয় জগতখনত হাঁহিৰ বিষয় হৈ পৰিছে।
মঙ্গলবাৰে অভিনেত্ৰীগৰাকীয়ে তেওঁৰ আহিবলগীয়া ছবিৰ একাধিক ফটো ছ’চিয়েল মিডিয়াত শ্বেয়াৰ কৰিছিল। বহুতে ছবিকেইখনৰ প্ৰশংসা কৰিছিল।
এইটো কোৱাৰ উপৰিও অভিনেত্ৰীগৰাকীয়ে এটা টুইটত বিশ্বৰ শ্ৰেষ্ঠ অভিনেত্ৰী বুলি কোৱাৰ লগতে নিজকে তেওঁ তিনিবাৰৰ অস্কাৰ বিজয়ী অভিনেত্ৰী মেৰিল ষ্ট্ৰিপৰ স’তে তুলনা কৰিছিল।
Massive transformation alert, The kind of range I display as a performer no other actress on this globe has that right now, I have raw talent like Meryl Streep for layered character depictions but I can also do skilled action and glamour like Gal Gadot #Thalaivi #Dhaakad pic.twitter.com/fnW3D20o6K
— Kangana Ranaut (@KanganaTeam) February 9, 2021
তেওঁ কৈছিল যে তেওঁৰ মেৰিলৰ দৰে একেই দক্ষতা আছে। তেওঁ এফালে আকৰ্ষণ কৰিব পাৰে আনফালে প্ৰয়োজন হ’লে গাৱৰ ছোৱালী হিচাপেও পোছাক পৰিধান কৰিব পাৰে। কেৱল সেইটোৱেই নহয়, অভিনেত্ৰীগৰাকীয়ে তেওঁৰ টুইটত ‘ফিনিশিং টাস্ক’ হিচাপে বিতৰ্কৰ সৃষ্টি কৰে।
তেওঁ কয় যে যদি কোনোবাই তেওঁৰ তুলনাত পৃথিৱীত এগৰাকী ভাল অভিনেত্ৰী দেখুৱাব পাৰে তেন্তে তেওঁ অহংকাৰ এৰি দিব। কিন্তু তেতিয়ালৈকে শ্ৰেষ্ঠ অভিনেত্ৰী হোৱাৰ গৌৰৱ বহন কৰিব বিচাৰে অভিনেত্ৰীগৰাকীয়ে।