নির্বাচনী অধিসূচনা জাৰি হােৱাৰ পাছৰ পৰাই যোৱা কেইটা দিনত ধুবুৰী জিলাৰ বিভিন্ন প্রান্তত ফ্লাইং স্কোর্ট আৰু এছএছটি দলে অভিযান চলাই বৃহৎ পৰিমাণৰ টকা জব্দ কৰিবলৈ সক্ষম হৈছে ।
তেনে সময়তে আজি পুনৰ ধুবুৰীত ফ্লাইং স্কোৰ্টৰ অভিযানত এজন লোকৰ পৰা মুঠ ২.৭৪ লাখ টকা জব্দ কৰিবলৈ সক্ষম হয়।
ঝগৰাপাৰ অঞ্চলত অভিযান চলাই আব্দুছ চামাদ নামৰ লোকজনৰ পৰা জব্দ কৰা হৈছে টকাখিনি ।
লোকজন গোলকগঞ্জৰ বৰুণডাঙ্গা গাঁৱৰ বাসিন্দা । বৰ্তমান টকাখিনিৰ উৎস উদঘাটনৰ বাবে তদন্ত আৰম্ভ কৰিছে জিলা প্ৰশাসনে।