আজি আবেলি প্ৰায় ৪.৩০ বজাত চিচিবৰগাঁৱৰ সমীপৰ ১৫ নং ৰাষ্ট্ৰীয় ঘাইপথত চলোৱা নিয়মীয়া তালাচীৰ সময়ত এজন অৰুণাচলী লোকৰ পৰা এটা ২৫ পিষ্টল সহ ন জাঁই সক্ৰিয় গুলি উদ্ধাৰ কৰিবলৈ সক্ষম হৈছে চিচিবৰগাঁও আৰক্ষীয়ে ।
আৰক্ষী সূত্ৰই জানিবলৈ দিয়া অনুসৰি অৰুণাচল প্ৰদেশৰ নামনি চিয়াং জিলাৰ লিকাবালি থানাৰ অন্তৰ্গত চিলি গাঁৱৰ ৰিবম ঙুচু লেংড নামৰ লোকজনে চিলাপথাৰৰ দিশৰ পৰা ইটানগৰলৈ বুলি অস্ত্ৰ সহ AR-01-M-2030 নম্বৰৰ i20 গাড়ীখনেৰে গৈ থকাৰ পথত পুকীয়া তিনিআলিত আৰক্ষীয়ে চলাই থকা তালাচীত ধৰা পৰে লোকজন । ইতিমধ্যে চিলাপথাৰ আৰক্ষীয়ে Arms Act ৰ 25 (A) ধাৰাত এক গোচৰ পঞ্জীয়ন কৰি গুলীসহ পিষ্টলটো জব্দ কৰিছে ।