বিজেপিৰ ৰাষ্ট্ৰীয় নেতা তথা মধ্যপ্ৰদেশৰ মুখ্যমন্ত্ৰী শিৱৰাজ সিং চৌহানে বিজেপি অসম প্ৰদেশৰ খানাপাৰাস্থিত নিৰ্বাচনী সংবাদ কোষৰ কাৰ্যালয়ত সংবাদ মেল আয়োজন কৰে ।
সংবাদ মাধ্যমৰ আগত মুখ্যমন্ত্ৰী চৌহানে কয় যে, কংগ্ৰেছ নেতা ৰাহুল গান্ধীয়ে ভুৱা প্ৰতিশ্ৰুতি দিয়ে । ৰাহুল গান্ধীয়ে মধ্যপ্ৰদেশৰ লক্ষ্যাধিক কৃষকক ঋণমুক্ত কৰাৰ কথা দিছিল, কিন্তু ২০১৯ত বেংকসমূহে সকলো ঋণৰ বোজা জনসাধাৰণৰ ওপৰত জাপি দিয়ে । অসমত প্ৰকাশিত ‘জ’ব ৰেজিষ্ট্ৰেচন ফ’ৰ্ম’খন চট্টিশগড়, মধ্যপ্ৰদেশটো প্ৰকাশ কৰি হৈছিল ।
তেওঁ লগতে কংগ্ৰেছৰ নেতাজনক কটাক্ষ কৰি কয় যে, দেশত সমস্যাৰ সৃষ্টি হ’লেই ৰাহুল গান্ধীয়ে বিদেশত পলায়ন কৰে ।
বদৰুদ্দিন আজমলৰ স’তে কৰা মিত্ৰজোঁটৰ কটাক্ষ কৰি কয়, ‘বদৰুদ্দিন আজমল হৈছে বহিৰাগতসকলৰ ৰক্ষক । অসমৰ সংস্কৃতিক আজমলৰ পৰা সুৰক্ষা প্ৰদান কৰিব লাগে । যিজন আজমলক তৰুণ গগৈয়ে অস্বীকাৰ কৰিছিল সেইজনক কংগ্ৰেছে সাৱটি লৈছে ।’
লগতে কয় যে, অসমত বিজেপিয়ে জয়ী হৈ বহুমতত চৰকাৰ গঠন কৰিব । অসমৰ জনতাক মিথ্যাবাদী ৰাহুলক ভোট নিদিবলৈ আহ্বান ।