ভাৰতীয় নিৰ্বাচন আয়োগ (ইচিআই)য়ে অসমৰ আঠখন কাকতক ২৮ ফেব্ৰুৱাৰীত প্ৰকাশিত সংবেদনশীল বিজেপি বিজ্ঞাপনৰ বাবে আবেদন দিবলৈ নিৰ্দেশ দিছে । দেওবাৰে কংগ্ৰেছ দলে মুখ্যমন্ত্ৰী সৰ্বানন্দ সোণোৱালৰ বিৰুদ্ধে গোচৰ ৰুজু কৰিবলৈ নিৰ্বাচন আয়োগৰ স’তে যোগাযোগ কৰে ।
দেওবাৰে অসমৰ সকলো কাকততে প্ৰথম পৃষ্ঠাত প্ৰকাশিত বিজ্ঞাপনৰ বাবে কংগ্ৰেছ দলে ভাৰতীয় জনতা পাৰ্টীৰ কেন্দ্ৰীয় সভাপতি জেপি নড্ডাৰ বিৰুদ্ধে গোচৰ ৰুজু কৰিবলৈ ইচিআই-ক অনুৰোধ জনায় । বিজ্ঞাপনত দাবী জনোৱা হৈছে যে, আগন্তুক শনিবাৰে অনুষ্ঠিত হ’বলগীয়া নিৰ্বাচনত উজনি অসমত চলিত চৰকাৰে সকলো আসন লাভ কৰিব, এই বিজ্ঞাপনৰ দ্বাৰা নিৰ্বাচন নীতি উলংঘন কৰা হৈছে ।
কংগ্ৰেছৰ মুখপাত্ৰ ৰণদ্বীপ ছোৰজেৱালাই শেহতীয়া এক সাক্ষাৎকাৰত কয়, ‘নিৰ্বাচন আয়োগে ২০২১ৰ ২৬ মাৰ্চত এটা নিৰ্দেশিকা জাৰি কৰিছে, য’ত কোৱা হৈছে, কোনোৱে যদি ২০২১ৰ ২৭ মাৰ্চৰ পৰা ২৯ এপ্ৰিলৰ ভিতৰত নিৰ্বাচনৰ ফলাফলৰ আগজাননী দিয়াৰ চেষ্টা কৰে সেইটো সৰ্বসাধাৰণৰ অনুৰোধ আইনৰ অধীনস্থ ধাৰা ১২৬(এ) অনুসৰি অপৰাধী গণ্য কৰা হ’ব । সেয়ে আমি নিৰ্বাচন আয়োগক ইয়াৰ বিৰুদ্ধে ব্যৱস্থা গ্ৰহণ কৰিবলৈ অনুৰোধ জনাইছো ।’
তেওঁ লগতে কয় যে, এনেধৰণৰ বিজ্ঞাপনৰ জৰিয়তে বিজেপিয়ে অসমৰ প্ৰথম পৰ্যায়ৰ ভোটগ্ৰহণৰ ভুৱা আৰু অসত্য ফলাফল প্ৰচাৰ কৰিছে । দলটোৱে ভুৱা দাবী জনাইছে যে, বিজেপিয়ে উজনি অসমত সকলো আসনতে জয়ী হ’ব ।
EC ने 26 मार्च 2021 को पत्र जारी कर हिदायत दी-
अगर कोई भी दल, पत्र, चैनल या कोई राजनेता किसी प्रकार से भी ये कोशिश करे दिखाने की कि नतीजे या नतीजों का परिणाम अमूक तरह का है या किसी राजनीतिक दल के हक में है,तो सीधे उस पर 126(A) रिप्रजेंटेशन ऑफ पीपल एक्ट में अपराधिक मामला दर्ज होगा pic.twitter.com/M0ZPesiKe7— Randeep Singh Surjewala (@rssurjewala) March 28, 2021
ছোৰজেৱালাই কয়, ‘পৰাজয় নিশ্চিত বুলি বুজিব পাৰি বিজেপিয়ে ভোটাৰসকলক প্ৰভাৱিত কৰিবলৈ অবৈধ আৰু অসাংবিধানিক পদ্ধতি অৱলম্বন কৰিছে । বিজেপিৰ নেতাসকলে অসমৰ বিভিন্ন কাকতত ইচ্ছাকৃতভাৱে আৰু জানিশুনি প্ৰথম পৃষ্ঠাৰ শিৰোনাম হিচাপে ৰাজনৈতিক ভৱিষ্যতবাণীৰ বিজ্ঞাপন কৰিছে ।’