তৃতীয় পৰ্যায়ৰ নাম নথিভুক্তকৰণৰ আৰম্ভণিতেই প্ৰযুক্তিগত ত্ৰুটিৰ বাবে বিকল হ’ল চৰকাৰী ক’উইন প’ৰ্টেল । আজি বিয়লি চাৰি বজাত প’ৰ্টেলটোত নাম নথিভুক্ত বন্ধ হৈ যায় ।
ক’ভিড প্ৰতিষেধক গ্ৰহণ কৰিব হ’লে ক’উইন এপত নাম নথিভুক্ত কৰা অনিবাৰ্য । সেয়ে এপটো বিকল হৈ পৰাত বিপাঙত পৰিছে বহু লোক । এক মে’ৰ পৰা ১৮ বছৰ আৰু তাৰ ঊৰ্ধ্বৰ সকলোকে প্ৰতিষেধক প্ৰদান কৰা হ’ব বুলি ঘোষণা কৰিছে কেন্দ্ৰীয় চৰকাৰে ।