উত্তৰ প্ৰদেশত পঞ্চায়ত নিৰ্বাচনৰ ভোটগণনা দেওবাৰে। ৰাজ্য নিৰ্বাচন আয়োগক সেই গণনা পিছুৱাবলৈ নিৰ্দেশ দিলে উচ্চতম ন্যায়ালয়ে । ক’ভিড পৰিস্থিতিত ভোটগণনা প্ৰক্ৰিয়া সম্পন্ন কৰাৰ সিদ্ধান্ত গ্ৰহণ কৰাৰ বাবে আয়োগক ভৰ্তসনা কৰিলে দেশৰ সৰ্ব্বোচ্চ ন্যায়ালয়ে ।
শনিবাৰে পুৱা উচ্চতম ন্যায়ালয়ে আয়োগক কয়, ‘সম্প্ৰতি ক’ভিড পৰিস্থিতি উদ্বেগজনক । ইয়ায় মাজতেই আপোনালোকে ভোটগণনাৰ সিদ্ধান্ত কৰিছে । দুসপ্তাহৰ পাছত আপোনালোকে গণনা কৰিব নোৱাৰিব নেকি ? এই সময়ৰ ভিতৰত ৰাজ্যৰ চিকিৎসা সেৱা কিছু উন্নত কৰা সম্ভৱ হ’ব ।’
লগতে কয়, ‘সকলো ধৰণৰ সমস্যাৰ মাজতো আপোনালোকে আগবাঢ়ি গৈছে । ভোট গণনা তিনি সপ্তাহ পিছুৱালে কাৰো মূৰত আকাশ ভাঙি নপৰে ।’
দেশৰ সৰ্ব্বোচ্চ ন্যায়ালয়ৰ নিৰ্দেশৰ পাছতো উত্তৰ প্ৰদেশ নিৰ্বাচন আয়োগে কয়, ‘আমি ইতিমধ্যে ভোটগণনাৰ সিদ্ধান্ত গ্ৰহণ কৰিছো । সেই সিদ্ধান্ত অনুযায়ীয়ে আমি আগবাঢ়ি যাব বিচাৰো । সকলো ধৰণৰ ক’ভিড সুৰক্ষা বিধি মানি চলা হ’ব ।’ এই আশ্বাস লাভ কৰাৰ পাছত অৱশ্যে ভোটগণনাৰ অনুমতি দিয়ে উচ্চতম ন্যায়ালয়ে ।