দিল্লীত তলাবন্ধৰ সময়সীমা আৰু সাত দিনলৈ বৃদ্ধি কৰিলে কেজৰিৱাল চৰকাৰে । যোৱা প্ৰশাসনিক ঘোষণা অনুসৰি, তলাবন্ধ ১৭ মে’ত সমাপ্ত হোৱাৰ কথা আছিল। কিন্তু তাৰ ঠিক এদিন আগতে, পুনৰ তলাবন্ধৰ সময়সীমা বৃদ্ধি কৰা হৈছে। নতুন ঘোষণা অনুসৰি ৰাজধানীত ২৪ মে’লৈকে তলাবন্ধ অব্যাহত থাকিব। যোৱা কেইদিনমানত দিল্লীত সংক্ৰমণৰ বৃদ্ধি কিছু পৰিমাণে হ্ৰাস পাইছে। কিন্তু সংক্ৰমণৰ হাৰ এতিয়াও পাঁচ শতাংশৰ তললৈ নামি অহা নাই।
প্ৰশাসনিক সূত্ৰই কোৱা অনুসৰি সংক্ৰমণৰ হাৰ পাঁচ শতাংশৰ তললৈ নামিবলৈ অপেক্ষা কৰি আছে। ইয়াৰ আগতে একাধিক পদক্ষেপত তলাবন্ধ বাবে সংক্ৰমণ নিয়ন্ত্ৰণ কৰা হৈছে।
দিল্লীৰ মুখ্যমন্ত্ৰী অৰবিন্দ কেজৰিৱালে সাংবাদিকক কয় যে লকডাউন ঘোষণা কৰাৰ পাছৰে পৰা দিল্লীত কৰ’না সংক্ৰমণৰ হাৰ লাহে লাহে হ্ৰাস পাই আহিছে। দিল্লী চৰকাৰে যোৱা কেইদিনমানত দেখা সুস্থতাৰ হাৰ হেৰুৱাব নিবিচাৰে। সেইকাৰণে তলাবন্ধ আৰু এসপ্তাহৰ বাবে কাৰ্যকৰী। অহা সোমবাৰে পুৱা পাঁচ বজালৈকে বলবৎ থাকিব এই তলাবন্ধ।
শুক্ৰবাৰে দিল্লীত দৈনিক সংক্ৰমণৰ সংখ্যা আছিল আঠ হেজাৰ ৫০৬ জন। এমাহৰ পাছত, আক্রান্তৰ সংখ্যা ১০হেজাৰ তললৈ হ্ৰাস পায়। প্ৰশাসনে অনুভৱ কৰে যে ইয়াৰ আঁৰৰ একমাত্ৰ কাৰণ হ’ল সঠিক সময়ত তলাবন্ধৰ সিদ্ধান্ত লোৱা।