চিকিৎসক, স্বাস্থ্যকৰ্মী আৰু ক’ভিড ৰোগীৰ মনোবল বৃদ্ধি কৰিবৰ বাবে ৰাজ্যৰ হাস্পতাল পৰিদৰ্শন কৰিলে তামিলনাডুৰ নৱনিৰ্বাচিত মুখ্যমন্ত্ৰী এম কে ষ্টেলিন । তেওঁ টুইটাৰত পোষ্ট কৰা ফটোখনত দেখা গৈছে, তেওঁ পিপিই কিট পৰিধান কৰি কোয়মবত্তোৰৰ গভাৰ্ণমেণ্ট মেডিকেল হাস্পতাল পৰিদৰ্শন কৰিছে । চিকিৎসক আৰু স্বাস্থ্যকৰ্মীসকলৰ স’তে কথা পাতিছে । কৰ’না ৰোগীসকলৰ শাৰীৰিক অৱস্থাৰো বুজ লয় মুখ্যমন্ত্ৰীগৰাকীয়ে ।
টুইটাৰত মুখ্যমন্ত্ৰী ষ্টেলিনে লিখে, ‘মোক হাস্পতাল পৰিদৰ্শন কৰিবলৈ নিষিদ্ধ কৰা হৈছিল । ইয়াৰ স্বত্বেও ক’ভিড ৱাৰ্ড ঘূৰি ঘূৰি চালো । নিজৰ জীৱনৰ প্ৰতি ভ্ৰূক্ষেপ নকৰি যুদ্ধত নামি পৰা সকলৰ মনোবল বৃদ্ধি কৰিবলৈয়ে তাত গৈছিলো । সকলো সময়তে কেৱল ঔষধে কাম নকৰে, মনোবল বৃদ্ধি কৰাটোও প্ৰয়োজনীয় । ৰাজ্য তেওঁলোকৰ লগত আছে, তাকে জনাবলৈ গৈছিলো ।’
#Covid19 வார்டுக்குள் செல்ல வேண்டாம் என்று அக்கறை மிகுந்த அறிவுரைகள் சொல்லப்பட்டாலும் தம் உயிரையும் பணயம் வைத்துப் போராடும் மருத்துவர்கள் உள்ளிட்ட முன்களப்பணியாளர்கள், பாதிக்கப்பட்டவர்கள், அவர்தம் குடும்பத்தினருக்கு நம்பிக்கை ஊட்டவே உள்ளே சென்றேன்!
இப்பெருந்தொற்றை நாம் வெல்வோம்! pic.twitter.com/bs2TeyhtxX
— M.K.Stalin (@mkstalin) May 30, 2021
তামিলনাডুৰ ক’ভিড-১৯ত আটাইতকৈ ক্ষতিগ্ৰস্ত জিলা কোয়মবত্তোৰ । বিগত ২৪ ঘণ্টাত ৰাজ্যখনত নতুনকৈ তিনি হেজাৰ ছশজন লোক ক’ভিড-১৯ত আক্ৰান্ত হৈছে ।
