দেশত ক’ভিড সংক্ৰমণ নিয়ন্ত্ৰণ কৰিবৰ বাবে টিকাকৰণৰ বাহিৰে অন্য উপায় নাই বুলি বিশেষজ্ঞসকলে পূৰ্বেই জনাইছে । ইতিমধ্যে ভাৰতত ক’ভিশ্বিল্ড, ক’ভেক্সিন আৰু স্পুটনিক-ভিৰ প্ৰতিষেধক ব্যৱহাৰ কৰি থকা হৈছে । তথ্য অনুসৰি, চলিত বৰ্ষতে আৰু ছটা প্ৰতিষেধকৰ ব্যৱহাৰ আৰম্ভ হোৱাৰ সম্ভাৱনা আছে ।
পুনেৰ ছেৰাম ইনষ্টিটিউট ক’ভিশ্বিল্ডৰ লগতে ক’ভেক্সিন উৎপাদনৰ কাম আৰম্ভ হৈছে । আমেৰিকাৰ সংস্থা ন’ভাভেক্সে এই প্ৰতিষেধক প্ৰস্তুত কৰিছে । তেওঁলোকক সহযোগ কৰিছে ছেৰামে ।
পুনেৰ আন এক ঔষধ প্ৰস্তুতকাৰী সংস্থা জেন্নোভা বায়’ফাৰ্মাচিউটিকেলছে এইচজিচি০১৯ নামৰ এবিধ প্ৰতিষেধক প্ৰস্তুত কৰিছে । ইতিমধ্যে এই প্ৰতিষেধকৰ প্ৰথম পৰ্যায়ৰ পৰীক্ষণ আৰম্ভ হৈছে ।
গুজৰাটৰ জাইডাছ কেডিলা নামে সংস্থাত জাইকভ-ডি প্ৰতিষেধক উৎপাদন কৰা হৈছে । ইতিমধ্যে শিশুসকলৰ শৰীৰত ইয়াৰ পৰীক্ষণ আৰম্ভ কৰা হৈছে । ভাৰতত জৰুৰী ভিত্তিত ব্যৱহাৰৰ শীঘ্ৰে কেন্দ্ৰক আবেদন কৰা হ’ব জনাইছে জাইডাছ কেডিলাই ।
ইপিনে হায়দৰাবাদৰ বায়’লজিকেল ই নামে সংস্থাত তিনিবিধ প্ৰতিষেধক প্ৰস্তুত কৰা হৈছে । তেওঁলোকে ক’ৰ্বেভেক্স প্ৰতিষেধক উৎপাদন কৰিছে । ইতিমধ্যে প্ৰতিষেধকবিধৰ তৃতীয় পৰ্যায়ৰ পৰীক্ষণ চলি আছে ।
লগতে সংস্থাটোৱে কানাডাৰ এটা সংস্থাৰ স’তে যোগ হৈ পিটিএক্স ক’ভিড-১৯বি প্ৰতিষেধক উৎপাদনৰ কাম আৰম্ভ কৰিছে । জনছন এণ্ড জনছনৰ ক’ভিড প্ৰতিষেধক জনছন ভাৰতৰ উৎপাদন কৰাৰো কাম আৰম্ভ কৰিছে বায়’লজিকেল ই-য়ে ।
ইতিমধ্যে ভাৰতৰ বহু ঔষধ উৎপাদনকাৰী সংস্থাই বিভিন্ন বৈদেশিক সংস্থাৰ স’তে জোঁট হৈ কৰ’না প্ৰতিষেধক প্ৰস্তুত কৰিবলৈ তৎপৰ হৈছে । সেয়ে আগন্তুক দিনত ভাৰতত আৰু বেছি ক’ভিড প্ৰতিষেধকৰ ব্যৱহাৰ আৰম্ভ হ’ব পাৰে ।