মুম্বাইৰ এজন ২১ বছৰীয়া যুৱকে এটা ‘৩ডি’ ভিডিঅ’ শ্বেয়াৰ কৰি ‘ক্ৰেড’ত তেওঁৰ ড্ৰিম ইণ্টাৰ্ণশ্বিপ লাভ কৰে । অৱকাশ সাহ মুম্বাইৰ এজন থ্ৰীডি গ্ৰাফিক/ম’চ’ন ডিজাইনাৰ । তেওঁ এটা ক্ৰেডিট কাৰ্ড পেমেণ্ট কোম্পানীত ইণ্টাৰ্ণশ্বিপ কৰিব বিচাৰিছিল, যিয়ে তেওঁলোকৰ অভিনৱ থ্ৰীডি বিজ্ঞাপনেৰে প্ৰচাৰ চলায় ।
অৱকাশে জানিছিল যে ইণ্টাৰ্ণশ্বিপটো পাবৰ বাবে তেওঁ আকৰ্ষণীয় কিবা কৰিব লাগিব, সেয়ে তেওঁ এটা থ্ৰীডি ভিডিঅ’ আপলোড কৰি কোম্পানীটোত ইণ্টাৰ্ণশ্বিপৰ বাবে আবেদন কৰে ।
লিংকডইন-ত ভিডিঅ’ শ্বেয়াৰ কৰোঁতে অৱকাশে লিখে, ‘মই ক্ৰেডত ইণ্টাৰ্ণশ্বিপ কৰিব বিচাৰো । এইটো মোৰ আবেদন ।’ তেওঁ লগতে কয়, ‘মই ভাবো যে, যদি মই আবেদন কৰো, মই ইয়াৰ বাবে কিবা উপযুক্ত তৈয়াৰ কৰিব লাগিব । যাৰ বাবে মই পাবলৈ সক্ষম হওঁ ।’
https://www.linkedin.com/feed/update/urn:li:activity:6806143033738878976
ক্ৰেড-ত থ্ৰীডি ভিডিঅ’টো শ্বেয়াৰ কৰোতে অৱকাশে ক্ৰেড-ৰ প্ৰতিষ্ঠাপক কোনাল সাহ আৰু মুখ্য ডিজাইনাৰ হৰিশ শিৱৰামকৃষ্ণনকো টেগ কৰে ।
ভিডিঅ’টো শ্বেয়াৰ কৰাৰ তিনি দিনৰ পাছতে ৯.৯ লাখ ভিউজ আৰু শ শ কমেণ্টেৰে ভাইৰেল হৈ পৰে । কমেণ্টত সামাজিক মাধ্যম ব্যৱহাৰকাৰীসকলে ভিডিঅ’ আৰু ইণ্টাৰ্ণশ্বিপৰ বাবে আবেদন কৰাৰ অভিনৱ শৈলীৰ প্ৰশংসা কৰে । লগতে বহু জ’বৰ সুযোগো লাভ কৰে যুৱকজনে ।
অৱশেষত, ক্ৰেডৰ মুখ্য ডিজাইনাৰ হৰিশে অৱকেশক ইণ্টাৰ্ণশ্বিপৰ সুযোগ দিয়ে । ভিডিঅ’ৰ কমেণ্টত তেওঁ কয়, ‘ক্ৰেড ডিজাইন মাফিয়াৰ ইণ্টাৰ্ণছ ক্লাবলৈ স্বাগতম ।’
