সোমাবাৰৰ পৰা মহাৰাষ্ট্ৰত আৰম্ভ আনলক ২ । দৈনিক সংক্ৰমণ কিছু পৰিমাণে নিয়ন্ত্ৰণত থকাৰ লগে লগে কঠোৰ তলাবন্ধৰ নিষেধাজ্ঞাৰ কিছু পৰিমাণে ৰেহাই দিয়া হ’ব।
মহাৰাষ্ট্ৰৰ মুখ্যমন্ত্ৰী উদ্ধৱ ঠাকৰেয়ে স্থানীয় প্ৰশাসনক নিৰ্দেশ দিছে যে যদি এই পৰিস্থিতিত কোনো এলেকাত সংক্ৰমণ বৃদ্ধি হ’বলৈ আৰম্ভ কৰে তেন্তে সংক্ৰমণৰ বিৰুদ্ধে কঠোৰ পদক্ষেপ ল’ব।
এক উচ্চ পৰ্যায়ৰ বৈঠকত, পৌৰ আয়ুক্ত, জিলা উপায়ুক্ত, আইএএছ আৰু আইপিএছক উদ্ধৃত কৰি কোৱা হয় যে, “যদি আপোনাৰ এলেকাত কৰ’না ভাইৰাছৰ সংক্ৰমণ বৃদ্ধি হয়, যদি আপুনি ভাবে যে পৰিস্থিতি নিয়ন্ত্ৰণত নাই, তেতিয়াহলে তলাবন্ধ জাৰি কৰিব।”
মহাৰাষ্ট্ৰত পূৰ্বতকৈ কৰ’না সংক্ৰমণ নিয়ন্ত্ৰণলৈ আহিছে। এতিয়া দৈনিক আক্ৰান্তৰ সংখ্যা ১৩ৰ পৰা ১৪হেজাৰ ঘৰত সীমাবদ্ধ। যি এটা সময়ত ৬০ হেজাৰ অতিক্ৰম কৰিছিল।