কোকৰাঝাৰ জিলাৰ দোতমা উন্নয়ন খণ্ডত কৰ্মৰত গাননিক বিষয়া ঠাকুৰ সিং ব্ৰহ্মৰ (৫২) মৃত্যুত অঞ্চলটোত শোকৰ ছাঁ পৰিছে । প্ৰাপ্ত তথ্য অনুসৰি দোতমাৰ সূৰ্যখাতা গাঁৱৰ বাসিন্দা তথা কোকৰাঝাৰ ৰূপাতিনগৰৰ নিবাসী ঠাকুৰ সিং ব্ৰহ্মই দোতমা উন্নয়ন খণ্ডৰ গাননিক বিষয়া হিচাপে কৰ্মৰত আছিল ।
কিছুদিন পূৰ্বে তেওঁ বঙ্গাইগাঁৱৰ কোনো এখন এটিএমৰ সন্মুখত দুৰ্ঘটনাত প্ৰতিত হয় । গাননিক বিষয়া হিচাপে কৰ্মৰত ঠাকুৰ সিং ব্ৰহ্মই দুৰ্ঘটনাগ্ৰস্ত হোৱাৰ পাছত আজি ৰূপাতিনগৰৰ নিজা বাসভৱনত শেষ নিঃশ্বাস ত্যাগ কৰে ।
আজি দোতমা উন্নয়ন খণ্ডত এক শোকসভা অনুষ্ঠিত হয় । দোতমা উন্নয়ন খণ্ডৰ খণ্ড উন্নয়ন বিষয়া গোলাপ বেজবৰুৱাই শোকস্তব্ধ পৰিয়ালবৰ্গক সমবেদনা জ্ঞাপন কৰে ।
ইপিনে ৮ নং দোতমা সমষ্টিৰ প্ৰাক্তন এমচিএলএ জ্যোতিৰিন্দ্ৰ ব্ৰহ্মই ঠাকুৰ সিং ব্ৰহ্মৰ মৃত্যুত গভীৰ শোক প্রকাশ কৰি শোকস্তব্ধ পৰিয়ালবৰ্গক সমবেদনা জ্ঞাপন কৰে।
