লণ্ডনত “বিশেষ বঁটা”ৰে উজ্জ্বলি উঠিল “বেলকনিত ভগৱান”

যোৱা চাৰি জুলাইৰ পৰা ১১ জুলাইলৈ লণ্ডনত অনুষ্ঠিত ২২ সংখ্যক ৰেইনবো চলচ্চিত্ৰ মহোৎসৱত অসমীয়া চলচ্চিত্ৰ “বেলকনিত ভগৱান” (গড অন দা বেলকনি)-এ ৰেইনবো ছ’চাইটিৰ “বিশেষ বঁটা” লাভ কৰিছে ৷

এই মহোৎসৱত শ্ৰেষ্ঠ চলচ্চিত্ৰৰ বঁটা লাভ কৰে ইৰানৰ “ছাডেনলি ট্ৰী” নামৰ চলচ্চিত্ৰখনে৷ যোৱা ন জুলাইত লণ্ডনৰ ব্ৰাডি আৰ্টছ চেণ্টাৰত প্ৰদৰ্শিত হৈছিল বিশ্বজিত বৰা পৰিচালিত আৰু ৰাষ্ট্ৰীয় বঁটাপ্ৰাপ্ত চলচ্চিত্ৰ প্ৰযোজক নুৰুল চুলতানে প্ৰযোজনা কৰা চলচ্চিত্ৰখন ৷

বিশ্বৰ ১৪ খন দেশৰ মুঠ ১৫ টা ভাষাত নিৰ্মিত ৩০ খন চলচ্চিত্ৰ লণ্ডনৰ ৰেইনবো চলচ্চিত্ৰ মহোৎসৱৰ প্ৰতিযোগিতাত অংশ লৈছিল ৷ উল্লেখযোগ্য যে বেলকনিত ভগৱান চলচ্চিত্ৰখনে ইয়াৰ আগতো দেশে বিদেশে সন্মান লাভ কৰাৰ লগতে প্ৰশংসা লভিছে ৷