বাংলাদেশত মূল ঘাটি থকা জেহাদী সংগঠন জামাতুল মুজাহিদীন বাংলাদেশ (জে এম বি)ৰ লগত জড়িত হৈ অসমত জেহাদ চলোৱাৰ অপৰাধত ছজন লোকক আজি গুৱাহাটীস্থিত এন আই এৰ আদালতে দোষী সাব্যস্ত কৰে ।
এই লোককেইজনেই আৰু হাফিজুৰ ৰহমান, ইয়াকুব আলী, চৰিফুল ইছলাম, মুস্তাফুৰ ৰহমান, হাফিজ ছফিকুৰ ইছলাম আৰু আজাৰুদ্দিন আহমেদ । বিগত ২০১৯ত এই লোককেইজনক বৰপেটাৰ বিভিন্ন স্থানৰ পৰা এন আই এই গ্ৰেপ্তাৰ কৰিছিল ।
জে এম বিৰ শীৰ্ষ নেতা বৰপেটাৰ চতলা গাঁৱৰ ধৃত শ্বাহানুৰ আলমৰ লগত এই ছজন লোকৰ ঘনিষ্ঠতাৰ তথ্যও প্ৰমাণিত হৈছে । দোষী সাব্যস্ত হোৱা হাফিজুৰ ৰহমানৰ পৰা এন আই এই এটি হস্তনিৰ্মিত পিষ্টলৰ লগতে গুলিও উদ্ধাৰ কৰিছিল ।
সেয়েহে হাফিজুলক অস্ত্ৰ-শস্ত্ৰ আইনৰ অধীনথো শাস্তি বিহা হয় । আন কেইজনক দুবছৰকৈ কাৰাদণ্ড বিহে এন আই এৰ আদালতে । হাফিজুৰক কাৰাদণ্ড বিহা হৈছে জৰিমনাসহ দুবছৰ পাঁচ মাহ ।