জুলাইত ভাৰতক অত্যাধুনিক এমএইচ-৬০ আৰু মাল্টি ৰ’ল হেলিকপ্টাৰ প্ৰদান কৰিছে আমেৰিকাই । বাহিনীক অধিক শক্তিশালী কৰিবলৈ জাহাজ বিধ্বংসী ক্ষেপণাস্ত্ৰ ‘হৰপুন’ ক্ৰয় কৰিব ভাৰতে ।
মঙলবাৰে আমেৰিকাৰ কংগ্ৰেছে এই ক্ষেপণাস্ত্ৰ বিক্ৰী কৰাত সমৰ্থন জনায় । এতিয়া কেৱল সময়ৰ অপেক্ষা । ইয়াৰ বাবে আমেৰিকাৰ স’তে আঠ কোটি ২০ লাখ মাৰ্কিন ডলাৰৰ চুক্তি কৰিছে ভাৰতে ।
পেণ্টাগনৰ ডিফেন্স ছিকিঅ’ৰিটী ক’অপাৰেচন এজেন্সি (ডিএছচিএ) এক বিবৃতিত জনায়, এই নতুন চুক্তিয়ে দুয়োখন দেশৰ নিৰাপত্তাবিষয়ক সম্পৰ্ক অধিক শক্তিশালী কৰাত সহায় কৰিব । লগতে, আমেৰিকাৰ প্ৰতিৰক্ষা সহযোগী ভাৰতৰ নিৰাপত্তাকো অধিক শক্তিশালী কৰাত সহায় কৰিব ।
আমেৰিকাৰ অস্ত্ৰভাণ্ডাআৰৰ অন্যতম শ্ৰেষ্ঠ শক্তি হাৰপুন ক্ষেপণাস্ত্ৰ । চৰ পৰিৱেশটো সম দক্ষতাত কাম কৰিব পাৰে এই ক্ষেপণাস্ত্ৰই । বিশ্বৰ সফলতম জাহাজ বিধ্বংসী ক্ষেপণাস্ত্ৰ হাৰপুন । ১৯৭৭ত প্ৰথম এই ক্ষেপণাস্ত্ৰৰ ব্যৱহাৰ কৰা হয় । ৩০ খনৰো বেছি দেশৰ এই ক্ষেপণাস্ত্ৰ আছে । ৰাডাৰৰ তীক্ষ্ণ দৃষ্টি অবিহনে লক্ষ্যবস্তুক নিমিষতে ধ্বংস কৰাৰ ক্ষমতা আছে এই ক্ষেপণাস্ত্ৰৰ । আমেৰিকাৰ অন্যতম শ্ৰেষ্ঠ এই ক্ষেপণাস্ত্ৰ ক্ৰয় কৰিব ভাৰতে ।