ফ্লাইবিগে চলিত সপ্তাহতে ৰাজ্যৰ নতুন ৰুটত বিমান সেৱা আৰম্ভ কৰি অৰুণাচল প্ৰদেশত এক শক্তিশালী এয়াৰ নেটৱৰ্ক গঢ়ি তোলাৰ লক্ষ্য কৰিছে । অঞ্চলটোত সংযোগৰ প্ৰতিশ্ৰুতি অনুসৰি, নিৰ্ধাৰিত যাত্ৰীবাহী বিমানখনে ভাৰত চৰকাৰৰ আঞ্চলিক সংযোগ প্ৰকল্প (ইউডিএএনআৰচিএছ)ৰ অধীনত তেজু-গুৱাহাটী ৰুটত ১৬ আগষ্ট ২০২১ৰ পৰা প্ৰথম পৰিসেৱা আৰম্ভ কৰিব ।অৰুণাচল প্ৰদেশত বিমান যোগাযোগে অঞ্চলটোক ভ্ৰমণ সুগম কৰিব ।
নতুন ৰুট আৰম্ভ কৰাৰ ঘোষণা কৰি ফ্লাইবিগৰ প্ৰধান বাণিজ্যিক বিষয়া গৌৰৱ ৰাঠৌৰে কয়, ‘মই এইটো ঘোষণা কৰিবলৈ পায় অতি গৰ্বিত যে, আমি তেজুত সফলভাৱে বিমান যোগাযোগ স্থাপন কৰিলো, যিয়ে এই চহৰৰ মানুহখিনিক বিমানৰ জৰিয়তে ভ্ৰমণৰ স্বাধীনতা প্ৰদান কৰিব । অতিমাৰীৰ এই প্ৰত্যাহ্বানমূলক পৰিস্থিতিয়ে বায়ু সংযোগৰ গুৰুত্ব পুনৰ্ব্যক্ত কৰিলে আৰু আমি দেশৰ অনগ্ৰসৰ অঞ্চলত বিমান সংযোগ কৰিবলৈ প্ৰতিশ্ৰুতিবদ্ধ ।
ভ্ৰমণকাৰী আৰু তীৰ্থযাত্ৰীসকলৰ বাবে তেজু এখন সুন্দৰ গন্তব্যস্থল । তেজু আৰু গুৱাহাটীৰ মাজত বিমান এক উল্লেখযোগ্য কেন্দ্ৰস্থল হ’ব যিয়ে যাত্ৰীসকলৰ বাবে ভ্ৰমণক সুবিধাজনক কৰি তুলিব । সম্প্ৰতি অৰুণাচল প্ৰদেশৰ পূৰ্বৰ পাছিঘাটৰ স’তে শক্তিশালী এয়াৰ নেটৱৰ্ক আছে আৰু এতিয়া তেজুটো সক্ৰিয় হ’ব । অভিযানটো সফলভাৱে সম্পূৰ্ণ কৰিবলৈ সহায় আৰু পৰিচালনা কৰাৰ বাবে আমি অৰুণাচলৰ মুখ্যমন্ত্ৰী পেমা খান্দুৰ ওচৰত কৃতজ্ঞ ।’ সপ্তাহত চাৰিদিন তেজু-গুৱাহাটী বিমান চলাচল কৰিব । বিমান টিকটৰ মূল্য হ’ব ১,১৯৯ টকা ।