দেশত ক’ভিশ্বিল্ডৰ প্ৰথম টিকাকৰণৰ পাছত কমেও ৮৪ দিনৰ পাছত টিকাৰ দ্বিতীয় পালি লোৱাৰ নিয়ম চলি আছে।অনাগত দিনত এই সময়ৰ ব্যৱধান হ্ৰাস হব পাৰে ,বৃহস্পতিবাৰে এই কথা কেন্দ্ৰীয় চৰকাৰৰ সূত্ৰই জানিবলৈ দিয়ে ।
যোৱা জানুৱাৰী মাহত দেশত টিকাকৰণ আৰম্ভ কৰাৰ পাছত ক’ভিশ্বিল্ডৰ দুটি টিকাৰ মাজত সময়ৰ ব্যৱধান চাৰিৰ পৰা ছয় সপ্তাহৰ বাবে নিৰ্ধাৰণ কৰা হৈছিল।
পাছত ইয়াক ছয়ৰ পৰা আঠ সপ্তাহলৈ বৃদ্ধি কৰাৰ সিদ্ধান্ত লোৱা হৈছিল। আকৌ, যোৱা মে মাহত, ব্যৱধানটো ১২-১৬ সপ্তাহলৈ বৃদ্ধি কৰা হয়। কেন্দ্ৰই সেই সময়ত কৈছিল যে ব্ৰিটেইনৰ প্ৰতিবেদনৰ ভিত্তিত এই সিদ্ধান্ত লোৱা হৈছিল।
সেই সময়ত বহুতে অভিযোগ কৰিছিল যে দেশত টিকাচৰ অভাৱ ঢাকিবলৈ ক’ভিশ্বিল্ডৰ দুটা টিকাৰ মাজৰ ব্যৱধান বঢ়োৱাৰ সিদ্ধান্ত লোৱা হৈছিল। বিষয়টোক লৈ আৰু প্ৰশ্ন উত্থাপন হৈছিল যেতিয়া ৰাষ্ট্ৰীয় টিকাকৰণ পৰামৰ্শদাতা দলৰ সদস্যসকলে জনাইছিল, তেওঁলোকৰ সকলোৰে মতামত নোলোৱাকৈ এই সিদ্ধান্ত লোৱা হৈছিল।
যদি এই সকলো অভিযোগ কেন্দ্ৰই খাৰিজ কৰিছে। এই সিদ্ধান্তৰ আঁৰৰ কাৰণ হৈছে ইউকে প্ৰতিবেদনৰ বিবৃতি – যদি ব্যৱধান টো বহল কৰা হয় তেন্তে শৰীৰত এক শক্তিশালী ৰোগ প্ৰতিৰোধ প্ৰণালী গঢ়ি তোলাত দক্ষ ক’ভিশ্বিল্ড।
কিন্তু এই সমগ্ৰ সময়ত ভাৰত বায়োটেকৰ দ্বাৰা প্ৰস্তুত কৰা ক’ভেশ্বিন ভেকছিনৰ দুটা ভেকছিনৰ মাজৰ সময়ৰ ব্যৱধানত কোনো পৰিৱৰ্তন হোৱা নাই।
