কাৰ্বি আংলঙৰ ডিলাই থানাৰ অন্তৰ্গত অসম নগালেণ্ড সীমান্তৰ লাহৰীজান আৰক্ষী পহৰা চকীৰ বিশেষ তালাচীত আজি এখন বলেৰ’ গাড়ীৰ পৰা বুজন পৰিমাণৰ হেৰইনসহ দুজন সৰৱৰাহকাৰী আৰক্ষীৰ জালত পৰে ৷ আৰক্ষীৰ সূত্ৰ অনুসৰি, এম.এন.০১এছ ১৬৮০ নম্বৰৰ বলেৰ’ গাড়ী খন মণিপুৰৰ পৰা গুৱাহাটীলৈ আহি আছিল ৷
আৰক্ষীয়ে আগতীয়া খবৰৰ ভিত্তিত লাহৰীজান আৰক্ষী পহৰা চকীৰ সমুখৰ ৩৬ নং ৰাষ্ট্ৰীয় ঘাইপথত বিশেষ তালাচী চলাই উক্ত গাড়ীখনৰ পাছফালৰ লাইটৰ ভিতৰত কৌশলেৰে ৫০টা চাবোনৰ বাকছত সোমোৱাই অনা ৬৪৬ গ্ৰাম হেৰইন উদ্ধাৰ কৰে ৷
আৰক্ষীয়ে দুই সৰৱৰাহকাৰী ক্ৰমে মণিপুৰ চান্দেল জিলাৰ নামচেই হাউকিপ আৰু চুড়াচান্দপুৰৰ লেটখ’লাল নামৰ সৰৱৰাহকাৰী দুজনক আটক কৰে ৷ অধিক তথ্যৰ বাবে অনুসন্ধান অব্যাহত ৰাখিছে আৰক্ষীয়ে ৷