গোৱা, হিমাচল প্রদেশ, লাদাখ, ছিকিম, লক্ষদ্বীপ, দাদৰা আৰু নগৰ হাভেলি, দমন আৰু দিউ — এইসমূহ ৰাজ্য আৰু কেন্দ্র শাসিত অঞ্চলত প্রাপ্তবয়স্ক জনসংখ্যাৰ ১০০ শতাংশই ক’ভিডৰ প্রথম টিকা লাভ কৰিছে । দেওবাৰে এই তালিকা প্রকাশ কৰে কেন্দ্রীয় স্বাস্থ্যমন্ত্রী মনসুখ মাণ্ডব্যই । এই ৰাজ্য আৰু কেন্দ্রশাসিত অঞ্চলৰ স্বাস্থ্যকর্মীসকলক শুভেচ্ছাও জনাইছে ।
দেওবাৰে সন্ধ্যিয়া টুইটাৰত কেন্দ্রীয় স্বাস্থ্যমন্ত্রীয়ছ লিখে, ‘প্রাপ্তবয়স্ক জনসংখ্যাৰ ১০০ শতাংশকেই প্রথম টিকা দিয়াৰ বাবে অভিনন্দন । এইসমূহ অঞ্চলৰ স্বাস্থ্যকর্মীসকলৰ প্রচেষ্টা প্রশংসাযোগ্য ।’ সেই টুইটত এটা ছবিত উল্লেখ আছে ৰাজ্যসমূহৰ নাম ।
ক’উইনৰ তথ্য অনুসৰি, এই প্রতিবেদন লিখা পর্যন্ত দেশত মুঠ টিকা দিয়া হৈছে ৭৪ কোটি ৩১ লাখ সাত হেজাৰ ৮৭৮ জনক । বিগত ২৪ ঘণ্টাত টিকাকৰণ কৰা হৈছে প্রায় ৫৩ লাখ ১৬ হেজাৰ জনক । দেশত মুঠ প্রথম টিকা লাভ কৰিছএ ৫৬ কোটি ৫৩ লাখ ২৪ হেজাৰ ৮১২ জনে । ক’ভিড ৰোধ কৰিবলৈ টিকাকৰণৰ ওপৰত জোৰ দিয়াৰ বিষয় বাৰে বাৰে উত্থাপন হৈ আহিছে । দেওবাৰে বিত্তমন্ত্ৰী নির্মলা সীতাৰামনে কয়, ‘‘অর্থনীতি চাঙ্গা কৰাৰ এক মাত্র ঔষধ হ’ল টিকাকৰণ ।’’
উল্লেখ্য যে, ১৬ জানুৱাৰীৰ পৰা দেশত টিকাকৰণ আৰম্ভ হৈছে । সেই সময়ত কেৱল প্রথম শাৰীৰ যোদ্ধাসকলকেই প্ৰতিষেধক দিয়া হৈছিল । এক মার্চৰ পৰা সত্তোৰ্ধ আৰু ৪৫ বছৰৰ ঊৰ্ধ্বৰ যিসকলৰ ক’মর্বিডিটী আছে তেওঁলোকক টিকা দিয়া আৰম্ভ হয় । এক এপ্রিলৰ পৰা ৪৫ বছৰৰ ঊৰ্ধ্বৰ সকলে প্ৰতিষেধক লাভ কৰে । এক মে’ৰ পৰা ১৮ বছৰৰ ঊৰ্ধ্বৰসকলক টিকা প্ৰদান কৰাৰ কথা ঘোষণা কৰিছিল কেন্দ্রই । ইয়াৰ পাছত দেশজোৰি ক’ভিশিল্ড, ক’ভেক্সিন, স্পুটনিক-ভি — এই তিনটি টিকা দিয়া হৈছে ।